小胖台灣便當 (德立大廈)

營業中

休息中

呢間台式餐廳主打平靚正便當同湯麵，主食有齊豬牛雞選擇，更可添加特色小食同飲品。尖沙嘴分店地方雖然唔大但座位夠闊落，而且店員服務態度有禮，經過不妨一試。湯麵係手打嘅，軟硬度適中，帶點咬口，上面有少量肉燥同菜、值得一讚係主食會分開放，唔怕整到淋曬，十分貼心。鹽酥大雞腿炸至酥脆可口，肉質嫩滑多汁、排骨薄身，容易咬開。小食方面呢度竟然有刈包，有豬同雞，刈包挺身，咬落有質感，分別包住大大塊肥燒腩肉同燒汁雞趴，另外搭配酸菜、青瓜絲等配料，都幾好味。飲品有珍奶同百香Q果綠茶，適合解膩。