極尚大瀛喜日本料理 (已結業)

位於銅鑼灣的大瀛喜日本料理，估唔到平日午市放題也非常滿座！好彩今次有先預約，同朋友已經唔係第一次試，空間感夠同時分咗卡位，非常適合同家人朋友聚餐嚟🫶🏻裝修簡潔雅致，讓人感到舒適自在。食放題梗係要睇食物種類，除咗電子落單出餐夠快，款式都夠晒豐富，一般嘅日本料理，好似刺身、壽司、炸物、湯品、燒烤等等全部齊晒，滿足不同口味的人選擇。會有埋唔同嘅海鮮款式，壽司款式創新、入口味道有甜美或清新爽口，亦有香辣口味，令人回味無窮。值得推薦的是他們的刺身，新鮮度一流，魚肉鮮嫩，口感鮮美，每一口都散發著迷人的香氣。此外，他們的炸物也非常出色，炸得恰到好處，我鍾意佢哋嘅炸蠔，外酥內嫩，不油膩，非常開胃。出面仲有半自助嘅熟食湯品，也十分美味，雞湯清爽不膩口，非常適合在炎炎夏日享用。飲品櫃亦都有齊所有種類飲品，汽水、紙包飲品、果汁、茶樣樣都有，服務都十分出色，員工熱情有禮，讓人感到賓至如歸。