妹記大排檔

營業中

休息中

大家通常光顧呢間大排檔晚市小炒，原來午市有抵食嘅套餐，平均價錢只係$50左右！首先介紹炒粉麵飯，叫咗一個雪菜肉絲炆米（$53），係即叫即炒，通常最怕雪菜太鹹，但呢度就唔會。不過啲肉絲就冇乜豬肉味。另外點咗一個霸王雞（$49），雞肉好似隨機抽樣派發咁，雞髀又有，背脊又有，連頸都有。味道都可以，但略嫌唔係好夠汁，咁大碗白飯咁少汁，食到後段真係有啲dry。所有套餐都有例湯，加$4仲有杯熱飲。以後大家去旺角lunch唔知食乜，都可以去試一試。