華苑酒家 (已結業)

人人在家工作，我就繼續照常返工。平時都有係華苑斬料，叉燒都覺得唔錯，見同事們近排成日係元朗雞地買燒味飯盒，一於就推介佢地去試試華苑既叉燒飯。一去到門口，好多海報都睇唔到咩價錢。一於少理直接搵收銀阿姐落單。阿姐忙於寫紙仔唔得閒理我，十問九唔應，到佢肯落單時，又冇講收幾錢，要我自己偷望收銀機彈出既發票寫住$24我先知幾錢🙄燒味師傅，口罩遮唔到個鼻😱，今時今日疫情咁嚴重有d擔心。呢到既職員/ 燒味師傅原來係唔會幫手包裝外賣，佢封好盒就放個飯盒出黎呼喝我自己包外賣。其實自己包都唔係問題，但係態度真係唔需要咁差🤬！返到公司，打開膠袋，見到盒邊都幾污糟，食既時候都好小心唔好掂到個邊，同事們個盒邊都有同樣問題。味道方面，叉燒夠林，外邊有蜜汁掛住😋，切雞不過不失，24蚊雙拼飯，CP值好高👍🏻！