影片
更多
2024-02-22
1199 瀏覽
新年後終於有時間約fd，今次揀咗朋友最鐘意嘅🇰🇷韓國菜，嘢食好精緻，打卡一流。座位方面仲有得揀坐韓式榻榻米。🦞龍蝦粉年糕 ($155)龍蝦肉質同味道都唔錯, 龍蝦汁幾濃味，配長條形年糕食啱啱好。 年糕睇落就細兜，但食落原來都幾飽， 但係龍蝦汁實在太好味，飽都撈汁食哂!🥐柑玉滿堂牛角包窩夫 ($138)勁多柑橘好開心! 牛角包窩夫上面啲cream幾輕身所以食落唔膩，加上柑橘汁一齊食感覺幾fresh! 原本諗住窩夫咁多topping會淋哂啦，點知個底仲有少少脆。🍧柑銀滿屋刨冰 （$128）刨冰底係牛奶雪花冰嚟, 旁邊痴住啲柑嘅芝士塊幾好食, 芝士味幾重。 話說食到一半有驚喜, 刨冰中間除咗柑橘, 仲有啲黃豆粉年糕向入面!!🍊柑光閃閃茶 ($48)飲落甜甜地，柑橘味好夠，仲有花花餅乾掛杯，襯返蝴蝶杯, 幾有心思! ☕️藥果肉桂楓糖咖啡 ($52)藥果都幾大塊，食落幾香麻油味，楓糖咖啡唔算甜，同肉桂、藥果加埋一齊啱啱好。呢兩杯飲品都有一件傳統韓國花煎，佢係真花唔係圖案嚟，食落個皮唔甜，而紅豆餡唔會過甜，配飲品幾夾。
新年後終於有時間約fd，今次揀咗朋友最鐘意嘅🇰🇷韓國菜，嘢食好精緻，打卡一流。座位方面仲有得揀坐韓式榻榻米。
🦞龍蝦粉年糕 ($155)
龍蝦肉質同味道都唔錯, 龍蝦汁幾濃味，配長條形年糕食啱啱好。 年糕睇落就細兜，但食落原來都幾飽， 但係龍蝦汁實在太好味，飽都撈汁食哂!
🥐柑玉滿堂牛角包窩夫 ($138)
勁多柑橘好開心! 牛角包窩夫上面啲cream幾輕身所以食落唔膩，加上柑橘汁一齊食感覺幾fresh! 原本諗住窩夫咁多topping會淋哂啦，點知個底仲有少少脆。
🍧柑銀滿屋刨冰 （$128）
刨冰底係牛奶雪花冰嚟, 旁邊痴住啲柑嘅芝士塊幾好食, 芝士味幾重。 話說食到一半有驚喜, 刨冰中間除咗柑橘, 仲有啲黃豆粉年糕向入面!!
🍊柑光閃閃茶 ($48)
飲落甜甜地，柑橘味好夠，仲有花花餅乾掛杯，襯返蝴蝶杯, 幾有心思!
☕️藥果肉桂楓糖咖啡 ($52)
藥果都幾大塊，食落幾香麻油味，楓糖咖啡唔算甜，同肉桂、藥果加埋一齊啱啱好。
呢兩杯飲品都有一件傳統韓國花煎，佢係真花唔係圖案嚟，食落個皮唔甜，而紅豆餡唔會過甜，配飲品幾夾。
張貼
