茶茶Go

營業中

休息中

番工咁辛苦，lunchtime梗喺買杯肥仔水飲，苦中一點甜。公司附近好多選擇，今次就試吓茶茶GO。今次嗌咗杯大杯嘅真.岩燒黑糖鮮奶，另外仲買咗佢嘅紫菜肉鬆小方，$38一盒有四件，拎返去同同事share食啱啱好。呢杯岩燒黑糖鮮奶口感順滑，珍珠都好多，加咗黑糖又唔會過甜，黑糖味同牛奶味好夾，兩樣味道都入唔到，都飲得出牛奶味道好濃郁。另外，平時嗌嘢飲會叫少甜或者走甜嘅我，覺得呢杯甜度好啱我心水。珍珠口感彈牙，咬落去好有煙韌，同埋珍珠應該有同黑糖一齊處理過，所以都食到少少甜味。至於紫菜肉鬆小方，味道亦都好正！紫菜香口，配上肉鬆嘅鹹香味，真係一絕。佢個口感好得意，比起麵包軟熟，又未去到蛋糕口嘅質地，食完飯當甜品都唔錯。