Cocina 3 Tapas Restaurant & Bar (已結業)

今日約咗個好耐無見嘅朋友食飯，佢話想食特別啲，就帶咗佢去食西班牙菜。呢間餐廳裝飾得好有格調同埋懷舊感，影相都幾正。Cocina 3 公司沙律 $108 有好幾塊鴨胸肉，再加上黑醋調味，酸酸哋好開胃。香煎蟹餅 $98 平時食開都係細細舊嘅，呢到嘅crab cake係一大舊過，超厚身，蟹肉豐富，口感彈牙。西班牙傳統陳醋燴豬仔髀 $128 肉質幼嫩，食得好過癮，陳醋唔會太搶，略略帶出豬肉嘅味道，balance得唔錯！慢煮芝士菠菜雞肉卷 $128 雞肉好足，因為成舊都係雞肉嚟，配上芝士菠菜，食落感覺好健康啊😂吉拿棒 $58 churros真係必食，配上濃郁朱古力醬，好味道～需加一服務費，計埋nuts fee，埋單2人約$620。