羅麥記 (V City) (已結業)

羅麥記個門面好吸引，走港式懷舊風，坐底望下個餐牌，啲食物仲吸引，絕非一般茶餐廳既例牌菜，有啲驚喜例如，焗豬扒飯佢會放係面包磚入面，見到個樣你會好想食，咁... 就一於哎黎食啦... 磚頭焗豬扒飯$八十幾蚊一個，但個份量係大到可以兩個人食，不過味道呢，個豬扒夠鬆軟；個汁還可以，如果個汁既蕃茄味同芝士味可以再香濃一啲會更好；而個飯呢，不過不失啦；但果個麵包磚，真係又硬又無味...呢啲米就係為咗吸引人，整色整水後反而唔好食既最佳示範囉，個焗飯如果正正常堂放番係個碟度焗出黎，應該更熱更香口之後仲叫咗個瑞士雞翼，個瑞士汁甜甜地，雞翼好入味，啲雞翼仲要大大隻又厚肉，呢個雞翼我幾like好，雖然佢個焗豬扒飯係失敗，但因為佢既懷舊環境同個雞翼，我都推介間餐廳既