荔香園冰室 (已結業)

餐廳嘅裝修好特別，門面同埋內部裝修都係懷舊風格，餐枱上面都有舊水瓶同埋小型車衣機來做裝飾，好有舊香港味道。➡️ 皇袍叉燒飯 ($58)入到餐廳已經見到有poster介紹呢個用秘製醬汁整嘅皇袍叉燒飯。嘩，d叉燒多到起碼有10件，飯嘅份量都有2個拳頭咁大！個蛋炒到又金黃又好香，淋上特製嘅汁，味道超夾，加埋叉燒大大件半肥瘦，好正！➡️ 厚切豬扒芝士撈麵 ($52)厚切豬扒真係名乎其名，又大件又厚，非常有咬口！配上勁多車打芝士汁，d汁滲哂落d撈麵度，飽到我地都食唔哂😋➡️ 上湯浸時菜+ 凍檸茶2杯 (+$15 +$9 each)個上湯做到好清甜，幾好味，而且d菜都煲得幾爽口。荔香園冰室地址📍: 旺角通菜街1號威達商業大廈地下N號舖.............................. 味道😋: ⭐️⭐️⭐️⭐️環境👀: ⭐️⭐️⭐️⭐️服務👨🏻‍🍳: ⭐️⭐️⭐️⭐️抵食💰: ⭐️⭐️⭐️⭐️