鍋処雪舟 (已結業)

鍋処雪舟係一間中檔日本餐廳，雖然前排疫情好左啲，但我地都唔敢去行山或者離島，放假寧願留返喺市區食下野仲安全，好耐之前黎鍋処雪舟食過lunch唔錯，今次我地又再黎。餐廳好闊落，座位唔會太迫，食得安心。Lunch Set由最平$188至最貴$428，豐儉由人，套餐包括茶碗蒸、沙律、味噌湯、甜品同餐茶。沙律雖然好簡單只有沙律菜，但醋汁足夠所以食落酸酸地好開胃。味付螺肉好有咬口。茶碗蒸熱辣辣又夠滑，裡面有冬菇同日本魚旦。香蔥油甘魚丼($248) - 天氣又曬又熱，所以想食返個魚生飯。油甘魚魚油甘香得黎唔會太漏，飯量亦夠多，食完一定夠飽。味噌湯明顯調較返香港人口味，唔會太鹹。凍檸茶 - 最後飲返杯凍檸茶幫助消化。水信玄餅 - 甜品係水信玄餅，食時撈埋花生粉同糖漿食， 甜甜地味道唔錯。總結，食物雖然冇太大驚喜，但勝在坐得舒服，環境亦夠靜，好啱同朋友慢慢邊食邊傾。