姚姚酸菜魚 (希慎廣場)

營業中

休息中

雖然「姚姚酸菜魚」最出名、最好食嘅一定係佢哋嘅招牌酸菜魚，但原來佢哋嘅麻辣香鍋都唔錯㗎，講到今餐我最鍾意食嘅莫過於係嗰個麵食，因為個調味真係恰到好處，可惜個冷麵真係「太冷」，但都無阻我對佢嘅喜歡。*此餐廳收取加一服務費。麻辣香鍋麻辣鍋底加配鮮蝦、重慶酥肉、牛柏葉、寬薯粉條、鮮茶樹菇（單點$271），少麻少鹽，表面鋪滿辣椒、花生、芫荽、芝麻，鮮蝦肉質彈牙，味道鮮甜；重慶酥肉口感酥脆，食落帶有花椒味道；牛柏葉食落好爽口，味道香辣，辣度4分；寛薯粉條口感煙韌，食落好入味；鮮茶樹菇食落好Juicy。雞絲冷麵（單點$68），表面鋪有雞絲、青瓜、芝麻，雞絲食落啖啖肉，麵條口感爽滑，對於辣冷麵汁，雖然個人認為如果個汁更加辣、更加麻會更加惹味，但依個汁勝在依個辣度、麻度調配得剛剛好，唔會掩蓋咗黑醋嘅味道，令整體味道麻、酸、辣三方面都平衡到。上湯菜心（單點$58），表面鋪有黃金皮蛋、雞蛋、蒜子，菜心口感爽脆，上湯味道鹹鮮。姚姚脆奶（單點$58），口感酥脆，奶漿部份口感稠身，奶味淡香，甜度適中。多多桃膠椰奶（單點$48），少甜少冰，內有桃膠、紅豆，椰奶味道香甜。鮮奶紅茶凍（單點$38），少冰，鮮奶紅茶口感