影片
更多
2023-11-23
1762 瀏覽
呢排行街都見到「佢」既蹤影，皆因鬼金棒👹已經係香港開左3間分店，而且3間分店都開咗係熱門行街食飯地點:旺角、尖沙咀、銅鑼灣。上次食完一直回味無窮，今次又去下尖沙咀分店試其他口味😋佢地既拉麵分別有辣+麻，「麻」同「辣」都有5種級別程度可以比自己調配，當然有唔辣可選擇 而最勁既有鬼增級別👺。除左佢地最出名既芫茜之外，佢地既芽菜聽講都一樣好食，今次就揀炒豆芽菜麻辣味噌拉麵同增量叉燒x2麻辣味噌拉麵。👹炒豆芽菜麻辣味噌拉麵 $105豆芽菜即叫即炒之餘份量重好多 鋪滿晒成個拉麵面👍🏻食落去清甜爽脆 一直都係配拉麵既好拍檔，今次嗌咗小麻+小辣既湯底再配埋厚厚又入味嘅叉燒，每啖都非常香口😋叉燒質感岩岩好，唔會淋到一夾上手就爛，亦都唔會硬到食落鞋口👍🏻👹增量叉燒x2麻辣味噌拉麵 $140顧名思義就係叉燒比平常多一倍！而且2舊都係大大舊既叉燒，非常之適合胃口較大嘅朋友😆，雖然嗌咗小辣 無麻 但拉麵鋪上滿滿嘅蔥花蒜粒 非常香濃夠味，枱上仲擺咗一樽特製調味粉 落少少已再增加風味😈完熟桃子梳打 $35食拉麵點可以唔整返杯凍飲😜見有唔同口味既梳打可以揀，就試左桃味，完全無假既藥水味或太甜👍🏻當然仲有各款汽水可
呢排行街都見到「佢」既蹤影，皆因鬼金棒👹已經係香港開左3間分店，而且3間分店都開咗係熱門行街食飯地點:旺角、尖沙咀、銅鑼灣。上次食完一直回味無窮，今次又去下尖沙咀分店試其他口味😋
佢地既拉麵分別有辣+麻，「麻」同「辣」都有5種級別程度可以比自己調配，當然有唔辣可選擇 而最勁既有鬼增級別👺。除左佢地最出名既芫茜之外，佢地既芽菜聽講都一樣好食，今次就揀炒豆芽菜麻辣味噌拉麵同增量叉燒x2麻辣味噌拉麵。
👹炒豆芽菜麻辣味噌拉麵 $105豆芽菜即叫即炒之餘份量重好多 鋪滿晒成個拉麵面👍🏻食落去清甜爽脆 一直都係配拉麵既好拍檔，今次嗌咗小麻+小辣既湯底再配埋厚厚又入味嘅叉燒，每啖都非常香口😋叉燒質感岩岩好，唔會淋到一夾上手就爛，亦都唔會硬到食落鞋口👍🏻
👹增量叉燒x2麻辣味噌拉麵 $140顧名思義就係叉燒比平常多一倍！而且2舊都係大大舊既叉燒，非常之適合胃口較大嘅朋友😆，雖然嗌咗小辣 無麻 但拉麵鋪上滿滿嘅蔥花蒜粒 非常香濃夠味，枱上仲擺咗一樽特製調味粉 落少少已再增加風味😈
完熟桃子梳打 $35食拉麵點可以唔整返杯凍飲😜見有唔同口味既梳打可以揀，就試左桃味，完全無假既藥水味或太甜👍🏻
當然仲有各款汽水可選擇 $15
另外一提嘅係:之前一直有提供即棄圍裙，但係響應環保關係 現店內轉為唔會主動提供，有需要嘅朋友仍可以照向店內索取😉
張貼
