La Famille

營業中

休息中

曾經喺大坑店見過佢地家嘅蛋糕已經想食，到人地都執左，我都仲未試過(笑)。到而家喺朗豪坊都有分店，更加方便，週六番公司前買左兩件作為下午茶。戚風有相當多口味，柚子、玫瑰、伯爵茶、抹茶、芝士、栗子、草莓、熱情果、香蕉、開心果、朱古力等，定價$50/54，供應款式某部分係隨季節而定。花多眼亂之際，都感激店員好主動介紹。戚風size細細一件，定價稍高，但味道真係相當唔錯，強調無添加防腐劑、香精，而且好多食材都有日本直送，例如忌廉、麵粉。日本柚子 $50戚風口感非常蓬鬆軟綿，彈性好高，濕潤度適中，唔會太黏，亦唔會好似食風咁輕盈，平衡剛好。戚風通心，裡面加有鮮忌廉，奶油味香滑，甜而不膩柚子由高知縣直送，果然招牌之一，味道清香，蛋糕中亦有明顯柚子粒，口感豐富。面頭嘅士多啤梨同藍莓都好香甜。法國玫瑰 $54面頭有一朵可愛嘅玫瑰，不過味道一般，好似通左風嘅餅乾，玫瑰味有點假忌廉唧滿中心，紅莓清甜。戚風明顯冇柚子嗰款咁濕潤，略為乾身，口感有啲似糙米，並非滑溜，幸好食落都係好鬆。花味嘅甜品唔係個個喜好，個人覺得柚子較為出色餐牌：