Odelice! (The ONE)

大熱天時當然是行商場好過行街啦，來這個場shop，食肆都多選擇，朋友偏偏喜愛這間，這陣子仲入選了。Lunch都未食，有點餓，下午茶餐最抵，食品種類好豐富，沙律、薄餅、意粉、牛扒、漢堡、三文治、甜品等等。烤雞肉意粉~青醬意粉令我揀你，爽滑意粉掛滿翠綠醬汁，味道香濃，烤雞啖啖肉，越食越開胃。法式經典漢堡-配卡真香料薯條~賣相一定令你喜歡，高樓大廈般漢堡包出場，加一籃子薯條，視覺效果已令胃口大開。漢堡材料包括紫洋蔥、蕃茄、芝士、酸青瓜，足200g牛肉漢堡(五成熟)，一切落去，juicy牛肉汁必曬出嚟，肉味香濃，大家都讚不絕口。Cappuccino 法式泡沫咖啡 (凍)~冰凍泡沫好有滿足感。Chocolate 朱古力(熱)~樣子可愛，配塊薑餅，慢慢歎。環境舒適，坐下傾下...... 望到隔離枱甜品好吸引啊。經典朱古力心太軟配雲呢拿雪糕~經典經典呀，記得要趁熱食，一切開，朱古力漿慢慢流出，熱的香濃朱古力與凍的雲呢拿雪糕天作之合呢。橙香可麗餅~這店較有特色是個甜品，大大塊類似pancake，上面加朱古力醬及橙醬，即點即製，鮮橙味道香，配合朱古力又香又好吃。