Terrace in seaside (新城市廣場一期)

營業中

休息中

近排一間韓國Cafe推出恐龍主題食品，今晚即刻同朋友去試吓，每款恐龍食品上面放住唔同品種嘅恐龍牌，非常有特色。只要消費滿$200或以上，其中一份係恐龍主題食品，就可以參與小遊戲，與店員battle，贏取恐龍蛋一隻。叢林探險飯卷用咗鵪鶉蛋、蘿蔔絲、腐皮、蔬菜，紫菜嘅部份營造到叢林嘅感覺，味道酸酸地，令人好開胃。菠菜雞肉千層麵每一層都夾住菠菜同埋嫩滑既雞肉，再加上濃郁既白汁，口感creamy豐富，充滿層次感。恐龍地帶提拉米蘇提拉米蘇上面加入白色朱古力球，好似恐龍蛋咁，每一口提拉米蘇都散發出濃郁的咖啡香氣，搭配著濃郁既奶油香和蛋糕層。ROAR紅豆抹茶沙冰一上枱已經好吸晴，抹茶味恐龍形狀餅干放係cream 上面，超得意，抹茶沙冰綿密，口感冰涼又滑順，紅豆粒甜甜地，解渴之選。