第一郡 (已搬遷) 新店位置

黎到呢間第一郡食，餐牌、裝修都係小店風格，主要食越南湯河、撈檬、法包，仲有各式小食好似米紙卷、斑斕綠豆糕咁。價錢黎算幾平，平均四十幾至五十幾蚊，質素又高，值得再encore啊🤩唔怪之得呢間咁多人推薦。 1️⃣蟹膏蕃茄湯檬（$55）湯底係清清地既紅色，飲落酸酸may may一啲都唔會膩😍入面有蟹膏餅、蕃茄、扎肉、豬紅、香菜、芽菜、生菜、豆卜，好豐富😋特別鍾意佢既蟹膏餅，好大片，好索湯，但係食落又食到蟹既鮮味。最後飲曬成碗湯😛鍾意啊。  2⃣️越式法包（$45）法包好脆啊🤤入面有腩肉、扎肉、肉鬆、酸菜、青瓜、芫荽、蔥同肝醬，食落因為有啲酸蘿蔔、青瓜、蘿蔔絲，所以好清爽。搭配埋中間既肉類，同埋帶少少鹹香既肝醬，成個包食落味道更加豐富。份量都幾大份，食完比想像中飽。