熊角 (已結業)

前排經過深水埗福華街，見到新開咗間日式便當外賣店，門面都好光鮮，今日lunch 同老公過嚟買番個便當支持下小店先。 小店雖然細細間，不過都有唔少種類：飯🍚或意粉🍝、滷水小食、滷水便當、小食與三文治、健康之選、烤焗類同飲品。 啲外賣包裝得好靚好穩陣，拎到返屋企一啲都無倒瀉或者任何汁液漏出。 滷水雞翼非常入味，肉質嫩滑。 焗飯／意粉即叫即製，今次揀咗個黑椒西冷牛扒焗飯，非常燙口，牛扒都夠稔，上面鋪咗一層芝士🧀，焗出嚟更加香，加上炒飯底，成個焗飯都好好味😋。 店主介紹我試下佢地嘅招牌藍帶雞扒，外層酥脆，內裡多汁，入面仲流住溶化嘅芝士，熱辣辣香噴噴♨️，非常美味。 另外加咗個特飲，藍檸檬梳打，顏色好吸引🤩。