更多
2020-02-03
317 瀏覽
每次相約朋友晚飯都不知食咩好！各有各人的口味喜好！尤其在旺角閙市之中，一出地鐵，宣傳單張在你面前不停派發，張張都話低食、超值，真係有選擇困難！結果今次選咗一間日式放題試一試，因為太耐無食日式放題！確實係有些興奮！這間食肆交通方便，E1出口很快就到，等了不算太久就可入座，但如果預約的話會更快，帶位員帶我們入坐時，沿途的坐位九成已爆滿，確實受歡迎！店內環境整潔，坐位都很舒適，同類型的日式放題黎講，呢間坐位算寛闊！枱與枱之間也有空間！環境算不錯！坐低後侍應送上兩本厚厚活頁式的點菜紙，食物種類超過100款，任點任食，嘩！今次仲唔大開食戒？首先當然係叫刺生併盤回一回本啦！點咗三文魚，油甘魚，吞拿魚，鮑片，希靈魚，大赤蝦，甜蝦，八爪魚片，帶子刺身，北海道角螺，象拔蚌，赤貝！款款都非常新鮮！而且十分厚切！當中我最鍾意帶子，大大粒非常彈牙！另外燒物種類都非常多而且吸引！我們叫了西京比目魚、鹽燒海蝦、鹽燒雞軟骨、黃金芝士帆立貝、鹽燒鯖花魚！款款都有水準！其中我特別推介的蒲燒鰻魚！超級好食！鰻魚厚身加上醬料入口即溶而且juice！真係食到我回味無窮！另外我都很喜歡燒紐西蘭香草羊鞍，肉質淋滑而且無騷味！還有
結果今次選咗一間日式放題試一試，因為太耐無食日式放題！確實係有些興奮！這間食肆交通方便，E1出口很快就到，等了不算太久就可入座，但如果預約的話會更快，帶位員帶我們入坐時，沿途的坐位九成已爆滿，確實受歡迎！
店內環境整潔，坐位都很舒適，同類型的日式放題黎講，呢間坐位算寛闊！枱與枱之間也有空間！環境算不錯！坐低後侍應送上兩本厚厚活頁式的點菜紙，食物種類超過100款，任點任食，嘩！今次仲唔大開食戒？
首先當然係叫刺生併盤回一回本啦！點咗三文魚，油甘魚，吞拿魚，鮑片，希靈魚，大赤蝦，甜蝦，八爪魚片，帶子刺身，北海道角螺，象拔蚌，赤貝！款款都非常新鮮！而且十分厚切！當中我最鍾意帶子，大大粒非常彈牙！
另外燒物種類都非常多而且吸引！我們叫了西京比目魚、鹽燒海蝦、鹽燒雞軟骨、黃金芝士帆立貝、鹽燒鯖花魚！款款都有水準！其中我特別推介的蒲燒鰻魚！超級好食！鰻魚厚身加上醬料入口即溶而且juice！真係食到我回味無窮！
另外我都很喜歡燒紐西蘭香草羊鞍，肉質淋滑而且無騷味！還有鹽燒牛舌都非常厚切，彈牙爽口，味道一流！
吃過燒物後就轉戰鍋物！先黎瑤柱鮮蟹肉粥，我又要特別推介，蟹好大隻而且新鮮，個粥底非常鮮甜！真係唔停得口！另外雪花牛肉鍋係我第二最愛！鍋底味濃好味，而且肥牛又多可以俾我地食過夠！
跟住係鐵板燒！點了鐵板牛油香蒜帆立貝、避風塘炒太平洋鱿鱼鬚、避風塘黃金炒蝦還有鐵板煎鵝肝！款款都不錯！唯一可以批評的，就係若果鵝肝可以大件些就好喇！哈哈...實在有點貪心
食到這時已飽了九成，天婦羅只選了虎蝦天婦羅，其實想食的還有很多，但因肚皮不夠位所以只點了虎蝦，唯有下次再試其他！
其實除咗點餐紙的食品之外，出面餐枱也放咗好多冷盤，甜品同飲品任食
飲品除咗各式各樣的罐裝及盒裝飲品外！仲有清酒任飲！啱晒鍾意飲清酒的我！另外也點了芝士奶蓋苿莉花綠茶，全壺上大大壺兩個人都夠飲！
甜品我取了鮮奶蘆薈燕窩燉蛋以及幾款甜品！仲有朱古力噴泉，同每人可以分發一杯雪糕！由於已飽到吃不下，就與朋友一同分享了！
其實還有很多卷物，軍艦，手卷，創作壽司，鐵板燒，炸物都未試，全部都非常吸引！但係因肚皮已經頂唔順，下次一定再來呢！
總括而言今次食得非常開心滿足，除咗食品種類多而且好食新鮮，服務都非常好！服務員態度良好有禮貌，而且很勤力，等待食物期間，服務員不停穿插檯與檯之間，接訂單及送遞食物，交點菜單後，大約等二至三分鐘，食物就開始陸續上台，非常有效率！
而且最重要係價錢超值，性價比高，唔怪之得成日爆滿啦！
張貼
