伽倻韓國餐廳

今晚驚朋友介紹，一同四人嚟呢間餐廳食晚餐，結論係一個字-伏。除咗環境乾淨以外，完全唔掂。我哋叫咗4人餐G餐，肉類上枱時偏少，味道一般。一上菜只有少數幾碟嘅伴菜，一人一啖都唔夠。當我地想叫侍應添加Kimchi後，有個貌似經理嘅肥矮女士態度極差，然後加咗碟豆芽白菜後就講明冇得加㗎喇，認真係一人一條白菜都唔夠。從來都未見過韓國餐廳俾Kimchi嘅數量係咁少。另外包肉嘅生菜一人得兩塊。食哂燒肉同啲煎餅同餃子之後，全靠個部隊鍋燒先食得飽。最後上甜品前，見之前咁嘅質素本身都打定輸數，諗住係一份冰雪4人分，都算喇。突然侍應話係一人一碗同埋自己揀味，所以喜出望外。結果！！！係一人一小碗大過$5蚊銀少少嘅冰雪，完全唔綿滑，仲要起哂硬冰。最後埋單一人$500。其實成程一路食一路失望。真係後悔黎呢度食飯，比錢買難受。嚟之前請三思。