馬來一菜館

營業中

休息中

繼續喺上完堂之後喺附近搵食，諗住考完試食好少少，所以搵咗依間喺酒店嘅馬來西亞餐廳。環境幾好有情調，氣氛唔錯，適合聚會聊天。餐廳係馬來西亞餐廳，所以感覺都幾新鮮。我哋兩個人分別叫咗一個炒貴叼，一個海南雞飯，同烤羊肉牛肉串。炒貴叼本身諗住馬來西亞貴叼會唔會有啲特色，配菜方面係有少少唔同，好似竟然係有臘腸，但不外乎都係加咗蛋同蝦仁。講真味道不如茶餐廳嘅乾炒牛河好味，所以都真係一般般，不過不失。海南雞飯呢個我見有人推介，諗住試試會唔會有驚喜，但都係普通嘅海南雞飯，冇咩特別同特色羊肉及牛肉串燒呢個算係最好味嘅餸，但比起街邊嘅串燒仍然係差好遠，唔夠香口，而且佢嘅份量真係好細好細，性價比低三樣嘢，最後埋單四百幾蚊。味道一般勝在環境氣氛搭夠，不過應該唔會再有下次。