更多
2018-01-11
93 瀏覽
記得好耐之前有一排好興貓貓cafe，但好驚貓既我一直都好抗拒。但無奈身邊好友太多都強烈要求要去見可愛既貓貓，唯有捨命陪君子。位於樓上店的樂園，一入餐廳就聞到好大陣貓味，可能未必人人接受到。Wow~~原來樂園有入圍過甘多得獎食店架！牆上有手繪既畫，好有幼稚園既感覺。餐廳內有開放式廚房，有好多唔同造型既軟糖。空間雖然唔算大，但係位都多，好岩一大班朋友黎。拿拿拿，除左桌遊之外重有貓比你玩架。但係之前睇相時都見到有好幾隻貓，但係今次只係見到一隻，好肥好可愛呀。但係我都係睇下就算啦。------------------------------點餐時間~~~~~~~------------------------------芒果茶(左)&柑桔檸檬茶(右)跟餐15蚊，但睇左一陣發現野飲都幾貴下。芒果茶好香芒果味，飲落完全唔似糖水味，而且茶一啲都唔澀，好清新。熱飲睇落好似得好少，但其實都唔少。飲落好滋潤，而且唔會太甜，配茶都幾搭。黑松露香煎鵝肝意大利飯($188)因為好耐無食鵝肝所以就點左鵝肝意大利飯，一上枱咩都唔理住，見到個碟就心心眼了。用左南瓜蓉同紅菜頭兩隻色彩鮮豔既顏色黎伴碟，而且飯量好多，差不
位於樓上店的樂園，一入餐廳就聞到好大陣貓味，可能未必人人接受到。
Wow~~原來樂園有入圍過甘多得獎食店架！
牆上有手繪既畫，好有幼稚園既感覺。
餐廳內有開放式廚房，有好多唔同造型既軟糖。
空間雖然唔算大，但係位都多，好岩一大班朋友黎。
拿拿拿，除左桌遊之外重有貓比你玩架。但係之前睇相時都見到有好幾隻貓，但係今次只係見到一隻，好肥好可愛呀。但係我都係睇下就算啦。
------------------------------
點餐時間~~~~~~~
------------------------------
6 瀏覽
0 讚好
0 留言
跟餐15蚊，但睇左一陣發現野飲都幾貴下。
芒果茶好香芒果味，飲落完全唔似糖水味，而且茶一啲都唔澀，好清新。
熱飲睇落好似得好少，但其實都唔少。飲落好滋潤，而且唔會太甜，配茶都幾搭。
黑松露香煎鵝肝意大利飯
$188
25 瀏覽
0 讚好
0 留言
因為好耐無食鵝肝所以就點左鵝肝意大利飯，一上枱咩都唔理住，見到個碟就心心眼了。用左南瓜蓉同紅菜頭兩隻色彩鮮豔既顏色黎伴碟，而且飯量好多，差不多有2碗。
黑松露香煎鵝肝意大利飯
$188
11 瀏覽
0 讚好
0 留言
外皮應該有沾少少粉去煎，切落去個下好脆，而且中間重係粉紅色！見到有啲油脂流緊出黎，火喉控制得好好，唔係煎到全熟浪費左塊靚鵝肝。一咬落去好似成件溶化左甘，用力一含就感覺到香甜既油脂同肝味。飯好creamy，而且保留到少少硬身，飯內本身有菇再加上黑松露好香。完全唔會膩，一個人食哂都得。
廚師發板
$188
15 瀏覽
0 讚好
0 留言
好少西餐廳或者cafe會有廚師發板。而且重要整得甘有心思，成幅畫甘。而且重可以自訂寫咩
生日又過左，同朋友又無記念日，唯有寫Happy 2018啦！
欸，大廚手字又幾靚喎。而且盤上好多花，用左好多唔同顏色既醬汁去點綴。但原來每隻顏色都有特別架。
廚師發板
$188
16 瀏覽
0 讚好
0 留言
食沙律時可以配搭2種沙律醬，芝麻醬見得多啦，但中間個款和風沙律醬就真係第一次啦，酸酸地好開胃呀！！
蒜片配香煎安格斯牛柳粒 ，店員好細心甘解釋牛要趁熱食。旁邊一點點既係燒汁，牛肉好淋好入味，而且份量都唔少，配上炸到好香既蒜片，口感一流。
見到上圖都有一磚野，唔好懷疑---無錯，係好大一件既墨魚子鵝肝多士，鵝肝照舊好香好肥美，再配上高貴既墨魚子提一提味~~一流呀！但底下既多士只不過係一件白麵包，有點失望。蟹棒，鹽水煮榮螺同戀之花煙三文魚就稍為普通了點，但煙三文魚還是擺得好用心的。
牛油檸檬汁煎帶子刺身，好香牛油味，但帶子應該只係輕微煎一煎，食落口都係保持刺身口感。好軟好彈牙，一咬落口好鮮甜。但我覺得可以再煎多一陣，令到表面香口啲。
香煎加拿大特大虎蝦，開邊大蝦同蝦頭分開左放，處理殻時好怕蝦會有少少梅，但食落口好彈牙，好鮮，完全無雪味。而且都幾大隻，蝦頭唔苦，好甜蝦膏味。
甜點係烈酒煮布冧，未見過呢種煮法既我覺得好新奇有趣。食落好濃酒香味，但唔苦澀，因為經高溫既蒸發，得返味道同本身布冧既香甜。邊邊的醬汁記得點一點，會帶甜哦。
用餐後重可以食返粒糖tim,真係好sweet呀！
張貼
