韓正屋韓國料理 (搵食市集) (已結業)

大埔搵食市集 ~ 韓正屋一家大細星期日喺大圍踩完單車諗緊夜晚食咩嘅時候，見到大圍呢個搵食市集，可以一次過滿足晒我哋每人想食唔同嘅嘢。鍾意食小食多過正餐嘅我哋叫咗呢間韓國嘢一啲小食，性價比高 👍🏼炸雞 細份 28$ 都有 4 大件 好多汁 冇雪味，不過我點嘅時候冇留意度係原味，如果食炸雞我自己比較鍾意食甜辣味，呢間鋪頭係冇，如果可以加多啲口味就好了 🤭第二樣我哋叫咗一個拉絲芝士炒年糕 52$ 超好食 🤤 真係有拉絲！！！呢個係辣嘅，不過我覺得係少少辣，但好match 辣度啱啱好，有年糕同埋魚蛋，如果可以多啲芝士仲正！年糕可以算係餐，所以跟餐加嘢飲$6，我哋叫咗蜂蜜柚子樂，出面比較少見，味道好特別，值得一試！依家仲有晚市優惠 *可以加錢特價換四款小食，於是我哋加咗10$ 4件韓式炸泡菜餃子 餃子🥟 味道正正常常不算特別，炸得好脆