龍華酒店 (下禾輋)

營業中

休息中

已有80+年歷史既龍華酒店係香港著名既園林酒店，這裡係不少香港人既集體回憶🥰入口處有個古色古香風格既門牌，跟住係一條掛滿紅燈籠既斜路仔，而室內位置周圍都掛滿左歷史相片。今次係帶媽媽重回舊地，重溫一下乳鴿既味道，而我咁大個人都係第一次黎😁因為天氣唔太熱，我地揀左坐係室外，環境好舒適，又唔會坐到密側側。龍華脆皮燒乳鴿 $98 👑乳鴿係餐廳必點招牌菜。乳鴿係先用滾水輕烚，然後用滷水浸熟，再係鴿皮塗上麥芽糖後再炸，仲要即叫即炸。乳鴿送到上枱熱辣辣，炸到鴿皮香脆，鴿肉嫰滑多汁，食起上來無騷味👍店員仲提供埋即棄手套，方便進食。新鮮菠蘿咕嚕肉 $168✨️係當年李小龍太太最喜愛既菜式咕嚕肉咬落去外脆內軟，用左半肥瘦既豬肉，配埋個酸甜醬汁，仲有酸酸甜甜既新鮮菠蘿，真係非常開胃。石鍋大少鴿鬆炒飯 $168炒飯用石鍋盛著，可以保持炒飯熱騰騰，鴿鬆即係鴿肉切成細粒，鴿鬆好嫰滑，而飯炒得粒粒分明，仲加埋松子一齊炒，非常香口👍原味手造豆腐花 配桂花糖漿 $68 👑豆腐花用木桶盛著，豆腐花口感好滑溜，豆味香濃，而餐廳唔係提供黃糖，而係提供桂花糖漿，加一點落豆腐花食，味道好清甜，令豆腐花棉上添花。