影片
更多
2024-03-25
93 瀏覽
唔知大家有冇食過西班牙甜品Churros？佢又叫做「西班牙油炸鬼」，炸完嘅麵團灑上肉桂糖，沾朱古力醬，邪惡但滿足感max嘅甜品❤️作為重度Churro愛好者🔥喺歐洲幾乎每日都食，日韓街頭都唔少Churro嘅蹤影，相反香港就比較少見。見呢間Churro專賣店都有幾間分店，嚟開尖沙咀一於就試吓佢👍🏻╴ ╴ ╴ ╴ ╴ ╴ ╴ ╴❀ ╴ ╴ ╴ ╴ ╴ ╴ ╴ ╴ 一部舖頭會見到店員努力咁樣整緊churro，不斷有新鮮炸起嘅出爐😍除咗有經典原味肉桂糖配蘸醬，亦有多款唔同味道嘅Coating，包括不敗的朱古力榛子，同而家流行人氣嘅crème brûlée或者開心果等，任君選擇。最特別係舖頭仲有pre-set左嘅churro雪糕新地杯，熱辣辣嘅churro配凍冰冰嘅雪糕，見到已經想試吓冰火交融嘅甜蜜💕▶ ∗︎*ﾟ Strawberries and Cream我係原味Cinnamon愛好者❤️因為想食雪糕，今次就揀左Original嘅Strawberries and Cream。雪糕淋上士多啤梨醬，味道不過不失，覺得似食緊M記新地🤣唔知係咪因為怕太熱令到雪糕會溶，Churro出到嚟唔係熱嘅，不過依然脆卜
作為重度Churro愛好者🔥喺歐洲幾乎每日都食，日韓街頭都唔少Churro嘅蹤影，相反香港就比較少見。
見呢間Churro專賣店都有幾間分店，嚟開尖沙咀一於就試吓佢👍🏻
╴ ╴ ╴ ╴ ╴ ╴ ╴ ╴❀ ╴ ╴ ╴ ╴ ╴ ╴ ╴ ╴
一部舖頭會見到店員努力咁樣整緊churro，不斷有新鮮炸起嘅出爐😍
除咗有經典原味肉桂糖配蘸醬，亦有多款唔同味道嘅Coating，包括不敗的朱古力榛子，同而家流行人氣嘅crème brûlée或者開心果等，任君選擇。
最特別係舖頭仲有pre-set左嘅churro雪糕新地杯，熱辣辣嘅churro配凍冰冰嘅雪糕，見到已經想試吓冰火交融嘅甜蜜💕
16 瀏覽
0 讚好
0 留言
▶ ∗︎*ﾟ Strawberries and Cream
我係原味Cinnamon愛好者❤️因為想食雪糕，今次就揀左Original嘅Strawberries and Cream。
雪糕淋上士多啤梨醬，味道不過不失，覺得似食緊M記新地🤣
唔知係咪因為怕太熱令到雪糕會溶，Churro出到嚟唔係熱嘅，不過依然脆卜卜，相信如果熱食會更加外脆內軟，更貼近正宗口感🙌🏻 配上肉桂糖冇得輸！Churro本身唔會炸得太油膩，肉桂糖唔會太甜，淡淡肉桂味非常夾，兩者都唔會令你食完太有負擔🫶🏻不過肉桂控略嫌肉桂味唔夠濃，如果可以按自己喜好灑肉桂粉就更好😆
╴ ╴ ╴ ╴ ╴ ╴ ╴ ╴❀ ╴ ╴ ╴ ╴ ╴ ╴ ╴ ╴
作為香港少有嘅Churrro專門店，而且唔少地方都有分店，間唔中經過都會想衝入去食🔥不過之後都會揀Original with dips或者Coated Churros，應該更滋味😋
張貼
