影片
更多
2021-02-25
1181 瀏覽
用餐時間：普通星期二 1500今日個menu其實係本身既dinner menu黎，不過禁晚市堂食就當係個early dinner 咁食。餐包賣相幾好，尤其係個牛油，不過我覺得食落味道有少少失望，我唔係好肯定佢係咩醬黎，不過食落麻麻地夾。凍檸水做得相當唔錯，賣相幾好，溫度都夠凍，而且甜度可以自己控制，鍾意落幾多糖漿都可以。其實我個人覺得凍檸水要做得好真係唔難，奈何好多餐廳真係連咁基本既凍檸水都經常令人失望，所以呢度做得咁好都值得一讚。我人生食過最好既飯之一。賣相好靚，有日式溝意式既感覺。飯食落好creamy，一啲都唔乾身，配埋蟹籽更加爽口，口感好豐富。蟹膏雖然唔明顯，但都食得出有嗰陣味。整體黎講我都搵唔到有咩可以改善既地方，真係好好食。造型好可愛，捲埋一條。一開始熱食係幾好，不過放多左一陣之後啲cheese開始凝固翻，啲麵就痴埋曬一舊好難分開。cheese味好重，同平時食開既重忌廉味卡邦尼口味差好遠。其實趁熱食嗰陣係幾好，不過如果放耐左真係會越黎越差，所以呢個麵真係要趁熱食先得。每個主菜可以用優惠價 $35追加一份甜品。提拉米蘇做得好出色，好creamy好好食。隔離既手指餅就比較特別，可
今日個menu其實係本身既dinner menu黎，不過禁晚市堂食就當係個early dinner 咁食。
42 瀏覽
0 讚好
0 留言
餐包賣相幾好，尤其係個牛油，不過我覺得食落味道有少少失望，我唔係好肯定佢係咩醬黎，不過食落麻麻地夾。
凍檸水
107 瀏覽
0 讚好
0 留言
凍檸水做得相當唔錯，賣相幾好，溫度都夠凍，而且甜度可以自己控制，鍾意落幾多糖漿都可以。其實我個人覺得凍檸水要做得好真係唔難，奈何好多餐廳真係連咁基本既凍檸水都經常令人失望，所以呢度做得咁好都值得一讚。
松葉蟹甲羅燒蟹膏意大利飯
$288
140 瀏覽
4 讚好
0 留言
我人生食過最好既飯之一。賣相好靚，有日式溝意式既感覺。飯食落好creamy，一啲都唔乾身，配埋蟹籽更加爽口，口感好豐富。蟹膏雖然唔明顯，但都食得出有嗰陣味。整體黎講我都搵唔到有咩可以改善既地方，真係好好食。
傳統卡邦尼手造意大利麵
$158
254 瀏覽
0 讚好
0 留言
造型好可愛，捲埋一條。一開始熱食係幾好，不過放多左一陣之後啲cheese開始凝固翻，啲麵就痴埋曬一舊好難分開。cheese味好重，同平時食開既重忌廉味卡邦尼口味差好遠。其實趁熱食嗰陣係幾好，不過如果放耐左真係會越黎越差，所以呢個麵真係要趁熱食先得。
【自己整】提拉米蘇
$35
74 瀏覽
0 讚好
0 留言
每個主菜可以用優惠價 $35追加一份甜品。提拉米蘇做得好出色，好creamy好好食。隔離既手指餅就比較特別，可以點齋啡食。不過我唔飲咖啡，所以就直接食算，不過就咁食都好好食，本身面頭既白糖已經令到餅乾夠曬甜，所以可以做到唔點任何野都好食。
最後埋單連加一$529，兩個人平均每人$265。dinner黎講其實真係唔算貴，而且睇埋食物質素咁高黎講，真係無浪費到我時間特登係九龍區搭咁耐車入屯門食。
今日試完之後，終於領悟到點解呢間餐廳要book三個月先有得食，呢度性價比真係幾高！
不過餐廳環境比較窄，臺放得好逼先勉強擺得曬全部野。如果呢方面都可以改善到相信可以令餐廳提升多一個層次。
服務質素都幾好既，店員每次上菜都會詳細介紹翻每道菜既由來同埋食法。
張貼
