鳴橋燒肉料理 (已結業)

雖然好多站封左 ，但飯點都要食，朋友點都要見，見下先平伏到心情，食大餐先慰藉到心靈。今晚食燒肉，好早就到左。見到旁邊一家大細十幾人坐埋一齊，好熱鬧。店員人唔多，但勝在好記性，每次叫野黎野都好齊好準確。 講下佢肉既種類，都好多唔同配料醃既牛、豬、雞。一口和牛最嫩，加埋佢地既燒肉汁，味道好夾。 呢度燒肉會放左張紙係上面，無韓燒咁易個鑊燶晒 ， 換果陣又快又方便。 同時唔洗落太多油，感覺健康點 。 因為幾姊妹都身子弱，唔食得生冷野，結果我地將刺身放落去燒，意外地又幾好味，好彩無被人鬧。 雞翼都好滑，加上整左做單骨 ，方便易食，唔會搞到好淪盡。 墨魚仔都好彈牙。甜品都有幾多選擇。總括黎講，店細細食品質素都唔錯，岩一大班人黎食下野傾下計。