餃子屋

營業中

休息中

終於有機會黎出名大粒好食既餃子屋，當日係平日夜晚6點已經座無虛席咁滯，得番兩張細枱。叫左三式煎餃（$60），由落單到上菜等左30分鐘。煎餃有幾隻煎到燶哂，近乎炸好油膩。紫菜煎餃個肉餡色水好深、係醬油/調味落得太重手嗰隻味，唔好食。香辣個味好普通。得芝士煎餃味道ok，個肉餡個味道相對正常，肉同芝士比例落得剛剛好，食到芝士半溶唔錯。菜脯都係好普通既味道，而個老火湯係幾濃。整體味道一般，服務質素都唔得，店員就咁企喺度，見到客都唔會招呼入座，想落單都等左一陣，另外一路食都聽到有人怨出錯單。