My Burger (東廣場)

營業中

休息中

觀塘返工既好處就係附近多野食！今日lunch去左試間漢堡店～ 店唔算大，但都算坐得舒服唔會話好逼。我同朋友一行兩人，試左兩款唔同既漢堡。友人試左經典牛肉，不過佢係偏食既人，所以走晒蕃茄同菜，只剩包+牛+牛油+芝士佢話幾好味，牛肉唔會太乾，幾香，都幾多肉汁，可以一試！我就愛辣，所以試左牙買加辣雞，佢地個包同平時果啲唔同，都幾好咬口，不過一上發現砌到好核突變左菜還菜，肉還肉咁咬，都幾狼狽下。佢啲菜都幾大片，幾新鮮；塊雞就少少辣，偏乾，麻麻地。個醬都冇咩味。佢啲包都係加$20 可以轉套餐，我地揀左加$20 配薯條加汽水。呢度係用粗薯條，新鮮炸既，上果陣熱辣辣，好食！總結覺得個薯條做得比較出色，漢堡就一般。