鍋心粥底火鍋 (積存街)

營業中

休息中

其實呢間分店已經食過起碼五次，之前有個樓面叫Anna，態度好好，好識招呼客人。所以都有繼續再去食。呢兩日天氣凍，諗住打邊爐，又再去大圍分店，大約6點45去到，問樓面阿姐有冇位，佢叫我出去等陣，中途有四位walk in，個呀姐出嚟招呼嗰四個人叫佢哋上樓上，然後我同朋友繼續等。其實就我哋等位先既，不過人哋四位，我地兩位，梗係入咗四位先啦～哈哈等到大約7點，有另一個樓面阿姐出嚟問我哋係咪等位，話見我哋等咗一段時間，之後我同朋友話係，個呀姐先話「我地下一輪要8:15pm喎，你有排等呀…」然後我真係燥底，我話「你同事叫我等一陣喎」真係未食都一肚火，結果，唔等啦緊係