鮮芋仙

營業中

休息中

台式甜品唔係間間有保證好食。鮮芋仙就做得好出色。手工芋圓和經典豆花係鮮芋仙嘅招牌甜品之一。我哋揀咗冰芋圓4號和經典熱豆漿豆花1號加配料芋頭。冰芋圓4號(＄52) 除咗有芋圓同刨冰外，仲有芋頭，紅豆和珍珠。芋圓煙靭軟糯，有咬口又唔黏牙。 芋頭大大件，口感綿密，有少少芋泥嘅感覺，一啖 芋頭，一啖棉花冰，好配襯。 紅豆粒粒飽滿，煮得好腍不太甜，珍珠煙韌彈牙和芋頭紅豆口感上有強烈嘅對比。 一碗手工芋圓， 份量十足，兩個人一碗share分享， 綽綽有餘。 豆漿豆花1號($48＋$8)材料包括白玉湯圓和薏仁。 由於芋頭好好食，所以加一份芋頭配料。 豆漿不太甜，豆花 嫰滑，两者都有濃郁嘅豆味。 加埋白肉湯圓， 芋頭和 薏仁一齊食， 多重層次，口感豐富， 好好味。