影片
更多
2010-03-03
15 瀏覽
11月21日, 3000天快樂!我地嘅重要日子, 當然要揀番間好野慶祝~! 又要好食, 又要食得飽, 又唔會太貴, 我地都會揀食任食~ 而日式放題都係我地其中一個喜好! 今次揀咗黎食燒魂一, 專食日式燒肉任食, 都幾難book枱, 好在我早2個星期book, 有個舒服嘅window 卡位, 來慶祝我地嘅3000天!~一坐低order都未落侍應就會奉上一碟豬牛羊拼盤, 一碟海鮮拼盤同一碟刺身比我地淺嘗唔同種類嘅食物~ 咁我地鍾意食乜就encore~ 如此安排實在體貼! ::: 刺身壽司類 :::首先喺d燒肉未ready好之前先食住d凍野先~ 刺身數量其實唔多, 只有4-5款選擇, 不過其實我地又唔係好在意, 因為我地都只係鍾意食三文魚~ 而佢d三文魚賣相好, 味道肥美, 比一般任食貨色好~ 其他刺身仲有吞拿魚, 劍魚等等…都唔錯. 其他凍野仲有冷煮牛柳粒, 少少辣幾開胃~ 冷麵就比較普通, 尤其冷麵汁好淡冇味… 壽司竟然有任叫嘅海膽壽司~! 咁貴嘅食材, 所以我地對佢都冇乜期望, 當真入口味道唔算差, 不過食一件就夠… 而我地鍾意食嘅軟殼蟹只有手卷可叫, 軟殼蟹份量少得可憐…::: 肉類
我地嘅重要日子, 當然要揀番間好野慶祝~! 又要好食, 又要食得飽, 又唔會太貴, 我地都會揀食任食~ 而日式放題都係我地其中一個喜好! 今次揀咗黎食燒魂一, 專食日式燒肉任食, 都幾難book枱, 好在我早2個星期book, 有個舒服嘅window 卡位, 來慶祝我地嘅3000天!~
一坐低order都未落侍應就會奉上一碟豬牛羊拼盤, 一碟海鮮拼盤同一碟刺身比我地淺嘗唔同種類嘅食物~ 咁我地鍾意食乜就encore~ 如此安排實在體貼!
::: 刺身壽司類 :::
首先喺d燒肉未ready好之前先食住d凍野先~ 刺身數量其實唔多, 只有4-5款選擇, 不過其實我地又唔係好在意, 因為我地都只係鍾意食三文魚~ 而佢d三文魚賣相好, 味道肥美, 比一般任食貨色好~ 其他刺身仲有吞拿魚, 劍魚等等…都唔錯. 其他凍野仲有冷煮牛柳粒, 少少辣幾開胃~ 冷麵就比較普通, 尤其冷麵汁好淡冇味…
壽司竟然有任叫嘅海膽壽司~! 咁貴嘅食材, 所以我地對佢都冇乜期望, 當真入口味道唔算差, 不過食一件就夠… 而我地鍾意食嘅軟殼蟹只有手卷可叫, 軟殼蟹份量少得可憐…
::: 肉類 :::
主打出場! 主要肉類都係以牛豬為主, 每種都超過5-6款, 其次仲有d羊, 雞~牛類有和牛, 安格斯, 牛肩肉, 一口牛, 牛舌, 金菇牛肉卷等等~ 豬類有豚肉, 五花腩, 豬頸肉等, 因為我地一次過叫所以黎到乜牛打乜豬都唔知… 其實每樣都算唔錯, 冷藏味仲係有少少, 所以d肉會冇乜肉汁又會好快乾, 同埋d肉本身係無乜調味嘅~ 但係佢地俾嘅醬汁可以彌補番~ 另外我地仲有食羊胺, 羊肉片, 單骨雞翼, 總之最基本嘅肉都可以燒~ 對於我地兩個食肉獸, 真係大飽口福~!
::: 海鮮類 :::
海鮮有花竹蝦, 生蠔, 帶子, 蜆同翡翠螺~ 除咗花竹蝦之外, 其他有殼嘅都比較難燒, 尤其生蠔同帶子, 好彩侍應生都好有耐性咁教我地燒~ 原來d貝類係要擺外圍, 咁d水先可以流落下面個爐底~ 擺中間d水滴落個兜度就會燒乾又一朕味架喇! d海鮮都幾新鮮, 食落鮮味十足, 求為唔好太乾千祈唔好燒咁耐, 其中翡翠螺燒太乾唔好食~ 最好味嘅有花竹蝦同蜆, 蝦點少少海鹽已經好帶出味道, 蜆就咁食都好鮮~
::: 蔬菜類 :::
食咁多肉, 都要食番d蔬菜~ 有呀菲非常鍾意嘅粟米之外, 仲有茄子, 翠玉瓜, 雞髀菇, 洋蔥, 菠蘿等~ 粟米, 翠玉瓜同雞髀菇都十分好味~ 茄子麻麻, 因為又係好快乾, 入面好難熟…
::: 炸物類 :::
除咗食燒肉, 我地仲食咗唔少炸物, 蝦都有分天婦羅蝦同吉列蝦, 都係即叫即炸熱辣辣! 其中天婦羅蝦炸得香脆, 中間嘅蝦又嫩滑~ 出色! 其他嘅炸蠔, 炸帶子, 餃子都好好味, 係燒肉以外食得最多嘅~
以$200唔駛嘅價錢可以食到日式燒肉, 真係十分滿足, 當然質素唔可以同正宗嘅燒肉店比~ 坐得好舒服, 食足2個半鐘~ 雖然有last order, 但係叫咗可以慢慢燒唔會趕人走, 未中不足係個抽煙系統, 人多時未免全舖都煙霧彌漫, 食完個身都有少少味架.而家佢weekend book台要落$100人頭deposit … 好巴閉~ 不過有得玩有得食, 我地會再 encore~
張貼
