影片
更多
2017-06-28
2182 瀏覽
最近聽朋友介紹有一間專食牛肉平靚正嘅火鍋，叫做616, 一直都冇機會試 最近發現佢原來都幾多間分店 ,今日終於有機會去到大埔翠怡花園嘅分店試下佢嘅牛肉。淨係睇佢嘅門面都算幾光鮮， 門口仲擺放咗幾張凳仔畀人哋排隊之用。 可能因為我今日早嚟，所以唔需要等位就有可入座。而我最欣賞佢哋入面嘅牆壁佈置， 全部都係模擬喺街市見到嘅牛肉檔， 令到我哋好似置身於街市一樣，我相信呢個亦係店主想表達嘅嘢，表達出新鮮牛肉立即上枱食嘅感覺。以佢哋嘅點餐menu 非常現代化 竟然係用ipad來點菜，估唔到一間小小嘅火鍋店已經咁別有用心 ，只要喺ipad上點算想食嘅 配料佢就會自動送到。而呢間餐廳嘅另一大賣點，就係餐廳會比一個小型漏斗放於枱上， 客人於點選後會開始計時 !如果20分鐘內去了未能送到桌上， 餐廳會免費送給客人遲送上的配料， 作為食客嘅我當然唔希望啲嘢好遲先嚟， 結果啲配料五分鐘左右就到齊，非常快捷!湯底方面我點算咗清湯牛骨湯底 店員話係用牛骨熬製八小時，入面有蘿蔔同粟米， 算係幾清甜，牛骨已經煲到好冧。首送上嚟嘅牛肉係我哋點既封門柳， 聽講係屬於牛嘅橫隔膜附近嘅肌肉 所以食落口感有彈性， 而且係非常
淨係睇佢嘅門面都算幾光鮮， 門口仲擺放咗幾張凳仔畀人哋排隊之用。 可能因為我今日早嚟，所以唔需要等位就有可入座。
而我最欣賞佢哋入面嘅牆壁佈置， 全部都係模擬喺街市見到嘅牛肉檔， 令到我哋好似置身於街市一樣，我相信呢個亦係店主想表達嘅嘢，表達出新鮮牛肉立即上枱食嘅感覺。
以佢哋嘅點餐menu 非常現代化 竟然係用ipad來點菜，估唔到一間小小嘅火鍋店已經咁別有用心 ，只要喺ipad上點算想食嘅 配料佢就會自動送到。
而呢間餐廳嘅另一大賣點，就係餐廳會比一個小型漏斗放於枱上， 客人於點選後會開始計時 !如果20分鐘內去了未能送到桌上， 餐廳會免費送給客人遲送上的配料， 作為食客嘅我當然唔希望啲嘢好遲先嚟， 結果啲配料五分鐘左右就到齊，非常快捷!
湯底方面我點算咗清湯牛骨湯底 店員話係用牛骨熬製八小時，入面有蘿蔔同粟米， 算係幾清甜，牛骨已經煲到好冧。
封門柳
36 瀏覽
0 讚好
0 留言
首送上嚟嘅牛肉係我哋點既封門柳， 聽講係屬於牛嘅橫隔膜附近嘅肌肉 所以食落口感有彈性， 而且係非常重嘅牛味， 能夠食出牛肉嘅鮮甜味
店員免費送上佢地既秘制冰鎮醬汁，用黎點牛肉更帶出牛肉甜甜，醬汁有少少微辣，啱晒我呢啲鐘意食辣既人
尾龍
19 瀏覽
0 讚好
0 留言
尾龍，係店員推介之一，油花較少，但肉味香濃，滾8秒就食得，食落口滿口牛味， 我仲以金桔仔加佢哋嘅秘製牛肉汁黎點呢個肉，食落更好味
牛心錠，係連住牛心血管附近既牛肉，成碟都係雪白顏色，係極罕有嘅牛肉部位， 枱上面有張紙教路， 輕輕拖13秒就食得，食落口感唔似牛肉，係超爽脆有咬口 ， 爽口程度真係爆燈 ，而回甘有牛味， 好過癮
匙柄， 介紹話係牛朴肉下放嘅一條肩胛肉條，佢會有一條明顯既肉筋。 介紹話呢款 牛肉滾六秒就食得，食落口感嫩滑，感覺有點似升級版既滑牛
油麥菜嘅擺碟有啲似藝術品， 令人睇見到唔想拆散佢
皇帝菜成盆盆栽咁，真係見到都唔忍心將佢放入湯底，不得不讚皇帝菜好新鮮翠綠!
最後同太太埋單都係350蚊左右 對我嚟講呢個價錢食到啲咁靚嘅牛真係物超所值，可以講係蔗渣既價錢燒鵝既味道， 下次會再來試埋佢哋其他部位牛肉。
張貼
