Burger Kitchen (已結業)

今日黎大埔一日遊，特意黎依間食burger既小店。佢位置吾近市中心，要行過去大埔安慈路八號花園先會見到依間小店。當日係公眾假期，我去到既時候，門口已經有幾group人等緊，不過店舖比較細同窄，坐位都比較迫，所以我都等左大約20分鐘先入坐。如果趕時間的話就吾建議繁忙時段黎食喇。入到去，店員會比個menu你，不過我係等既時候已經諗好，咁就可以慳返時間即刻落單。依度嘅漢堡包有十幾款可以揀，我揀左大啡菇芝士牛肉漢堡($65)， 漢堡非常大份同足料，配菜都好多，分別有沙津菜、蕃茄、洋蔥等，多層口感好豐富，漢堡中間夾左一塊大啡菇，咬落好juice仲一d都吾乾，塊牛肉扒都好嫩口，每層之間既芝士醬亦好惹味，整體個麵包好鬆脆。如果嫌淨係食漢堡太dry，仲可以加$20轉薯條加飲品套餐添！