燒肉酒場 (已結業)

燒肉酒場係銅鑼灣一間價錢比較貼地嘅日式烤肉店，質素唔差之餘，人均三百蚊倒已經可以食到飽。鹽醬椰菜($20) - 一坐低，侍應會先送黎一碟椰菜，雖然要收費，不過價錢都合理，椰菜份量都多，每一啖都食倒鹽醬嘅鹹香味。燒肉酒場嘅肉款都多，豬牛羊雞海鮮蔬菜都多，佢地個爐旁邊仲放左啲洋蔥同紅蘿蔔。汁醬方面我特鍾意蘸左邊嘅燒肉汁，甜甜地幾惹味。桂花烏龍水果茶($48)  - 唔想飲酒所以點左哩杯水果茶，佢冇平時嘅水果茶咁甜，仲多左陣桂花香味，都幾特別。美國牛板腱($78) - 牛板腱有三大塊，每塊有手掌咁大，牛板腱比較薄切，食落幾滑帶少少咬口，蘸埋燒肉汁食好好食。西京豬頸肉($78) - 豬頸肉切得厚薄適中，唔會太肥，食落帶少少爽口感。紐西蘭羊柳($98) - 羊柳好嫩滑，完全唔羶，侍應話食時可以加少少wasabi，不過我就覺得都係孜然粉同羊肉夾啲。羊湯茶漬飯($58) - 茶漬飯用羊湯代替清茶，而且仲有兩件肉喺入面，多左啲肉香味，食完成個人都暖左。總結，烤肉款式都多，而且質素唔差得過高級烤肉店，口癮想止下條燒烤癮都唔會肉痛。