小麵站

營業中

休息中

呢間小店主打四川嘢食，重點平靚正！如果你鍾意食辣嘅就岩哂！不過食唔到辣，都唔緊要因為可以走辣講到一定要食嘅就一定係雲吞佢啲皮好薄，個餡啲肉好新鮮同埋有啲菜，細細粒，一口一粒，辣辣地，好惹味我地叫左20粒，一陣就清哂另外，作為米線控嘅你可以試吓佢嘅熱撈米線，都好正。 $25大大碗，酸酸辣辣配上麻醬又幾特別稼如果嫌淨撈米線dry得制，可以另加餸。不過鋪頭比較簡單，得門面位，要坐係街邊食，如果唔介意嘅話就好有掃街感覺，開張枱幾個朋友坐埋吹下水，食下野，一流如果怕熱嘅就建議買返屋企食啦！因為食完會出晒汗，熱辣辣。仲有好多其他嘢食稼..例如水煮魚，手撕雞等等 大家經過不妨試吓呢啲小店