中西∙環 (已結業)

去唔到旅行, 用Asia miles 積分換西環港島太平洋酒店三位午市自助餐試吓, 搭地鐵出車廂行好遠先到, 建議巴士電車方便啲, 餐廳佈置正常, 賣點大海景, 天朗氣清ok la。食物選擇正常, 魚生有三文, 吞拿同鯛魚, 質素唔錯, 新鮮好味可encore；燒牛肉過咗火非常乾；熟海鮮得蝦蜆青口；蝦大隻鮮味, 蜆同樣出色但有小小沙,唯獨青口一般；反到熟食焗青口,蒸魚同海南雞飯唔錯, 又可以翻飛；炸物一般；自助沙律選擇正常, 食草嘅無乜好挑剔；無試豬腳薑, 最後用黑白(芝麻糊加豆腐花)收尾。整體質素一般, 會食得飽嘅, 唔會特登食多次除非有人請或價格十分吸引, 待應有禮；食物質素60/100, 服務質素70/100。