金龍冰室 (已結業)

行經大圍"金龍冰室", 鋪面光鮮, 入去食過午餐醫肚, 叫了一個常餐A6, $40, 包括有豬頸肉米線 + 奶醬厚多士 + 漢堡扒 + 熱奶茶, 另外一個午餐H, 炸豬扒芝士火腿奄列芝士汁撈丁 + 冰咖啡, 原本都正正常常的一間冰室午餐。但食到尾聲時, 我食梗碗豬頸肉米線, 無啦啦見到隻黑色物體, 打撈起發現有腳！疑似小強的蟲呀！！！超驚, 頓時胃口全失, 好想嘔！我仲要食左大半碗, 隻黑色蟲沉了底, 要撈碗米線多幾次先打撈它條爬蟲的屍上來。同碗米線影了相後, 隨即叫侍應過來, 侍應懶懶閒, 仲要話隻蟲係飛入碗米線內, 我隨即反駁 :<個隻似小強的野沉左底架, 我仲要食到尾, 打撈左幾次先發現到它條屍, 它點飛落碗米線到呀？>, 侍應之後hea收走碗麵, 話比多麵你食, 我答:<我仲點夠膽食呢間鋪的食物呀？>, 重覆問了幾次侍應點處理, 侍應勉為其難地拿起我們張單, 話這個常餐不用比錢, 並只void了一個常餐, 照計杯熱奶茶錢。錢其實不是問題, 只是幾廿蚊, 我食得起。 但個心理陰影好大, 我好驚, 簡單地食個常餐麵都竟然發現裡面有蟲, 我都不知會否食