凡直友里

營業中

休息中

見好多好評， 平時經過都見好多人食， 所以對此餐廳好大期望。 點知失望更大叫左一個沙律，兩個主菜, 1杯啤酒。 先上三文魚沙律， 同老婆都覺得幾好， 所以對黎緊兩首主菜好期待， 點知惡夢黎啦～老婆的龍蝦扁意粉賣相唔錯， 但係果半邊龍蝦細唔在話下， 仲要點調味料味， 同其餘果兩隻蝦一樣一d鮮味都無 係得個意粉煮得ok…老婆碟意粉食到一半，我碟炭烤M5和牛都仲未到， 所以催下單， waitress 覆我話部POS機壞左出唔到單俾廚房， 所以即刻做俾我。 等多十分鐘就上檯， 一上檯就知懶野。 塊牛一d熱氣都無，要5成熟唔代表唔熱丫？ 分明解凍不足… 之後用刀一切， 一片牛竟然切都難切開， 一開二後放落口， 韌過橡膠 試左幾片都係咁…牙較都緊埋。 越食越嬲，食多兩片就放棄左，叫埋單走人， 順便投訴下。 點知個便服掃把級男人聽完我話碟牛韌到食唔到， 完全無入耳， 就咁行走去單， 拎埋張單俾我簽時都完全無望過我食剩碟牛。 更加嬲到爆老婆問我咪唔夠飽囉…點會丫～成肚氣咩都飽曬啦～ 我覺得作為一間小店， 更加應該要留意每檯客的feedback和食客的溝通, 了解自己的出品。 盲目經營， 只會迎來沒路。