明記甜品 (已結業)

最近，銅鑼灣好熱鬧，每半年就一次嘅感謝祭，搞到我哋呢邊附近街坊無所適從，頓時覺得平時美食多籮籮嘅銅鑼灣搵食艱難！到處排晒隊，見到都打個突～但見呢間人冇咁多，好似一陣就有位，於是喺到求其食啲嘢啦～點知中伏！間嘢都開咗幾耐下，明白到一個好地段嘅重要性，人流多客量唔憂，加上成本相對低，唔怪得佢咁難食都可以經營咁耐。脆皮豆丁唔脆皮，底層啲料仲硬到結冰；芒果班戟冇乜芒果，絕大部分係cream；個湯丸一食就知係雪藏貨，包裝嘢；腐竹糖水淡到得甜味，冇腐竹嘅香味。下次寧願等其他糖水舖，或者寧願唔好食。