宏鮨芯 (已搬遷) 新店位置

天氣熱到34度，相信好多人都會揀食刺身壽司，今日特登搭車過嚟，因為見到都有唔少好評，而且見佢午市套餐有做刺身丼飯，價錢合理啦，入到去空間都合理嘅，不過師傅服務員唔係好識點樣安排客人入座，反而要我提議唔介意搭枱，佢先至將一個近廁所嘅四座位分開兩個座位，其實都係好小事，同樣服務員係唔識得攞茶俾客人嘅，又唔見得呢一間店屬於自助形式，都唔緊要，期望食物好食啲啦，揀咗一個午市餐牌嘅148廚師發辦嘅壽司當飯，廚師發辦理應會揀合適嘅刺身放埋一齊，如果要熱嘢飲就加兩蚊，OK啦total$150, 上枱嘅時候就如圖，大大隻牡丹蝦確實吸引，不過竟然係有沙嘅，港督海膽都預咗佢唔會好多，不過識落都鮮甜嘅，其他嘅刺身魚各一塊啦，唔會話特別大塊，我諗我坐喺嗰度都等咗30至40分鐘，雖然我唔趕時間，但係服務員都知道我坐咗喺度好耐，食到一半嘅時候，服務員話唔記得咗攞沙律，其實都係啲菜碎淋啲汁… 總括嚟講一般般，唔係特別好食