緣聚西日餐廳 (仁愛堂圍) (已結業)

今日約左一位好朋友係屯門見面，經過餐廳門口，見餐廳裝修得幾靚，同埋都有好多客人，就決定入黎試下午市放題。餐廳負責人用左好多心意去裝修，仲有好多得意嘅擺設。平日午市放題價錢都很經濟，因為我同朋友都想有更多嘢食選擇，所以我都最後揀左$158升級放題😋鐵板黑椒牛肉粒真係好出色。送到黎嘅時候仲係熱辣辣，牛肉粒好入味，肉質好嫩，好香口，味道啱啱好。放題都有好多款刺身揀，刺身都好新鮮、好鮮甜，肉質都好彈。手握壽司細細舊，份量啱啱好，唔會一大舊飯。醋飯都好紮實，唔會一夾就散。壽司配料都可以食得出鮮味。天婦羅都好好味，唔會食落成口油，天婦羅嘅外皮都唔係好厚，裡面隻蝦食落都仲係好juicy。最後我地平均消費少過二百蚊，餐廳食物選擇種類多，食物都好新鮮，餐廳環境都好舒服，是適合傾計聚餐嘅地方。