影片
更多
2022-02-09
932 瀏覽
行完山，黎到屯門揾野食，由一位地膽朋友極度推介，帶我地到呢間《屯門小曼谷》食泰國菜。店內嘅裝修比較簡樸，簡樸到令我一度懷疑係咪中左伏餐單都比較簡單，只有文字，冇任何食物圖示。點野食就完全交由我朋友拍板。1. 泰式燒豬頸肉豬頸肉燒得好靚，外熟內嫩，有少少似中式叉燒果種感覺，實肉得黎唔鞋口，配埋個燒肉甜醬，食到舔舔脷！2. 沙嗲串燒一份串燒有6串，有選擇雞肉同豬肉，今次我地就揀左雞豬各3串。串燒新鮮出爐，上到枱温温熱熱，配搭沙嗲醬一齊食，今次係我少有地覺得豬肉好食過雞肉，雞肉比較鬆散，口感似雞胸部位；而豬肉就實肉得黎些少彈牙，好有咬口。3. 椰汁青咖喱(牛肉)食泰國野當然唔少得食泰式咖喱，今次揀左我最鐘意食嘅青咖喱。味道方面充足滿滿嘅椰汁味，用料亦都好充足，好多牛肉。正常發揮，5道菜入面算係比較冇驚喜嘅一道。4. 泰式炸蝦餅十分推介嘅炸蝦餅！上枱熱辣辣，薄薄嘅米糠炸粉包住大大舊嘅蝦肉，食落好軟熟鬆脆，配埋甜辣醬簡直係絕配。5. 泰式炒粉絲炒粉絲亦係好出色，有粉絲、大葱、炒蛋絲、午餐肉條，大葱爽口；午餐肉條有鑊氣(即係有些少焦焦地嘅味)；炒蛋絲同粉絲都有陣甜甜地嘅味，粉絲仲炒得好彈牙，整道菜
店內嘅裝修比較簡樸，簡樸到令我一度懷疑係咪中左伏
餐單都比較簡單，只有文字，冇任何食物圖示。點野食就完全交由我朋友拍板。
1. 泰式燒豬頸肉
泰式燒豬頸肉
$45
119 瀏覽
0 讚好
0 留言
豬頸肉燒得好靚，外熟內嫩，有少少似中式叉燒果種感覺，實肉得黎唔鞋口，配埋個燒肉甜醬，食到舔舔脷！
2. 沙嗲串燒
沙嗲串燒
$42
69 瀏覽
0 讚好
0 留言
一份串燒有6串，有選擇雞肉同豬肉，今次我地就揀左雞豬各3串。串燒新鮮出爐，上到枱温温熱熱，配搭沙嗲醬一齊食，今次係我少有地覺得豬肉好食過雞肉，雞肉比較鬆散，口感似雞胸部位；而豬肉就實肉得黎些少彈牙，好有咬口。
3. 椰汁青咖喱(牛肉)
椰汁青咖喱
$45
52 瀏覽
0 讚好
0 留言
食泰國野當然唔少得食泰式咖喱，今次揀左我最鐘意食嘅青咖喱。味道方面充足滿滿嘅椰汁味，用料亦都好充足，好多牛肉。正常發揮，5道菜入面算係比較冇驚喜嘅一道。
4. 泰式炸蝦餅
泰式炸蝦餅
$45
34 瀏覽
0 讚好
0 留言
十分推介嘅炸蝦餅！上枱熱辣辣，薄薄嘅米糠炸粉包住大大舊嘅蝦肉，食落好軟熟鬆脆，配埋甜辣醬簡直係絕配。
5. 泰式炒粉絲
泰式炒粉絲
$48
33 瀏覽
0 讚好
0 留言
炒粉絲亦係好出色，有粉絲、大葱、炒蛋絲、午餐肉條，大葱爽口；午餐肉條有鑊氣(即係有些少焦焦地嘅味)；炒蛋絲同粉絲都有陣甜甜地嘅味，粉絲仲炒得好彈牙，整道菜唔單止口感好豐富，仲唔覺得油膩，非常推介！
埋單每人75蚊左右，好食又抵食，非常推介大家黎到屯門一定要過黎試試，不過要注意嘅係屯門都有其他以《小曼谷》命名嘅泰式餐廳，記得睇啱地址啊！
張貼
