Lady Nara

營業中

休息中

前幾日同姐妹去咗位於海港城嘅靚靚泰國餐廳食晚飯，呢間泰菜出咗名打卡一流📸 餐廳內有一個好靚嘅千秋位比人坐上去打卡😍 另外，如果被安排坐窗邊嘅話，仲可以睇到出面嘅海景添，下次要日頭再嚟望真啲個海先得😌✨ 炸蝦片呢個係開胃小食嚟，每枱都會有一客，炸蝦片炸得好香脆，食落蝦味濃郁，外層炸得金黃酥脆，非常惹味！✨ 泰式椰子雞湯 $128椰子雞湯係呢度嘅熱門菜，飲落椰香濃郁，雞肉煮得啱啱好，肉質鮮嫩，而且份量夠哂多！湯入面仲有一啲泰國香料嘅香氣，令成煲湯味道更加有層次，冬天飲一流，超暖胃🤤✨ 黃咖喱珍寶蟹肉 配蒜蓉包 $328呢道菜性價比唔算高，但勝在蟹肉非常多，肉質鮮甜軟嫩，配上濃郁嘅黃咖喱汁，甜甜哋又幾開胃！而蒜蓉包都幾多，每塊都好脆，點上黃咖喱汁一齊食，更加正！😚✨ 印度薄餅 $40見到份黃咖喱都幾大份，所以都嗌咗薄餅一齊點嚟食，薄餅好酥脆，一定要趁熱食先好味🤤✨ 泰式炒通菜 $88炒通菜炒得好爽口，通菜保持咗蔬菜嘅脆度，食起上嚟辣辣哋，越食越惹味！✨ 烤杏仁泰式奶茶 $50烤杏仁泰式奶茶飲落有濃濃嘅茶香同香濃嘅杏仁牛奶味，飲落仲有烤杏仁嘅香氣，甜度適中，非常唔錯！