更多
2017-08-12
329 瀏覽
K11最近開咗間食西餐嘅K11 Bora Seafood,佢係晌商場嘅盡頭角落位.入面有唔少同海洋有關嘅佈置,中間仲有個舞台,應該會有live band表演之類.靠邊嘅係一列梳化卡位,可以由旁邊嘅百葉窗睇到餐廳嘅另一邊.走過去睇一睇,呢邊嘅格局就比較似酒吧.仲有電子飛鏢機,俾食客玩樂之用.佢哋仲有室外座位,如果天氣唔熱嘅話應該幾舒服.餐墊紙上面印咗龍蝦圖案同拆殼教學,睇嚟龍蝦係呢度嘅主打之一.除咗海鮮之外,仲有唔同嘅菜式,呢日就試咗幾樣嘢食.日式麻醬煙鴨胸田園沙律嘅煙鴨胸鹹香,另有唔少紫生菜,車厘茄,粟米,彩椒,配埋酸酸哋嘅日式麻醬,幾開胃.黑松露野菌忌廉湯,每啖都係打得細碎嘅野菌,味道貼近原味,可以用牛油多士蘸嚟食,對我嚟講都唔錯,食慣濃味嘅人就可能覺得味道比較輕.呢碟係黑松露西班牙黑毛豬頸肉意大利粉.黑毛豬頸肉上面有啲黑松露醬,口感爽脆.忌廉汁分佈晌意粉表面,入面仲有大量切粒洋蔥同彩椒等等,幾有咬口.雜果賓治,用鮮菠蘿點綴,飲落甜而微酸,幾消滯.朱古力撻,仲有藍莓,棉花糖,朱古力醬,糖霜等做伴碟.撻皮鬆化,中間嘅朱古力餡軟身,濃郁微甜,食完主菜之後食都唔錯.呢次試嘅食物唔講得上非常
K11最近開咗間食西餐嘅K11 Bora Seafood,佢係晌商場嘅盡頭角落位.
入面有唔少同海洋有關嘅佈置,中間仲有個舞台,應該會有live band表演之類.
靠邊嘅係一列梳化卡位,可以由旁邊嘅百葉窗睇到餐廳嘅另一邊.
走過去睇一睇,呢邊嘅格局就比較似酒吧.
仲有電子飛鏢機,俾食客玩樂之用.
佢哋仲有室外座位,如果天氣唔熱嘅話應該幾舒服.
餐墊紙上面印咗龍蝦圖案同拆殼教學,睇嚟龍蝦係呢度嘅主打之一.
除咗海鮮之外,仲有唔同嘅菜式,呢日就試咗幾樣嘢食.
日式麻醬煙鴨胸田園沙律嘅煙鴨胸鹹香,另有唔少紫生菜,車厘茄,粟米,彩椒,配埋酸酸哋嘅日式麻醬,幾開胃.
黑松露野菌忌廉湯,每啖都係打得細碎嘅野菌,味道貼近原味,可以用牛油多士蘸嚟食,對我嚟講都唔錯,食慣濃味嘅人就可能覺得味道比較輕.
2 瀏覽
0 讚好
0 留言
呢碟係黑松露西班牙黑毛豬頸肉意大利粉.
黑毛豬頸肉上面有啲黑松露醬,口感爽脆.
忌廉汁分佈晌意粉表面,入面仲有大量切粒洋蔥同彩椒等等,幾有咬口.
雜果賓治,用鮮菠蘿點綴,飲落甜而微酸,幾消滯.
2 瀏覽
0 讚好
0 留言
朱古力撻,仲有藍莓,棉花糖,朱古力醬,糖霜等做伴碟.
撻皮鬆化,中間嘅朱古力餡軟身,濃郁微甜,食完主菜之後食都唔錯.
呢次試嘅食物唔講得上非常特別,不過烹調都見用心,加上嗰日啱啱好食客唔多,個感覺都幾幽靜,有機會再嚟嘅話都想試試佢哋嘅龍蝦菜式.
張貼