Flame at Towngas Avenue (已結業)

之前買左煤氣爐有$400coupon，所以同阿媽book左黎食。黎到見到餐牌，得4人餐同普通散叫Menu，無左我喺其他食評見到既188 set dinner。咁無計，惟有散叫野食。不過… 價錢上我可以去另一間比較好啲，最後叫左2 main 1 drink。叫完野食就黎左兩個包，幾香。不過老人家食唔到，因都幾韌。之後黎左壺果茶，飲落陣果香味都幾易入口，帶有少少果酸味。然後到Risotto，個飯比較淡，不過香味ok。最後到焗三文魚柳，呢個算係好味，但係可能焗得耐左少少，雖然仲有油，不過入面稍為有啲乾。隔離嗰個係薯蓉，真係好"蓉"以為係杰湯黎，不過都好味。