話說上次同同事黎食過lunch之後, 覺得又好味又抵食, 所以今次就帶埋老婆黎等佢試下. 餐廳都係喺荔枝角美食工廈內. 掃枱面QR code落單同比錢, 野食好快就一次過送到. 冬瓜茶本身就已經少甜實在太好, 凍凍的好清爽. 台式香腸外皮脆脆的, 鹹鹹香香, 帶有少少既煙燻味。 芝士蛋餅餅皮鬆軟, 包著半熔既芝士有拉絲既程度, 有芝士香味定唔濃烈, 食落口感軟綿綿的. 紅燒牛肉麵既湯似再濃縮既羅宋湯, 有蕃茄既酸甜味和牛肉既鮮味, 而且啲牛煮到好腍超入味. 慢烤雞腿芝士蛋吐司, 麵包外層少脆, 雞肉好嫩滑同有肉汁, 芝士味唔重, 半生熟蛋好似醬咁流哂蛋汁出黎. 芋頭椰汁三色圓, 椰汁好有椰香味同有少少杰, 芋頭切到同芋圓差唔多大細, 而芋圓細細粒好彈牙.

話說上網見到自助餐有優惠, 有海鮮又有火鍋, 所以就同老婆試下. 海鮮都係通常見到既蟹腳, 螺, 青口等等.
開始時好多人都拎凍海鮮, 但都餐廳都refill得好快.
我就夾左少少, 蟹腳肉質鮮甜鮮嫩, 螺肉比較煙韌有咬口. 刺身有4款, 三文魚油脂唔錯, 而吞拿魚相對有口感, 魚味較濃. 另外仲夾左啲沙律, 菜都好新鮮, 而芝士都有4~5款選擇. 熱盤都有唔少選擇 燒羊架燒得岩岩好, 肉嫩多汁無羶味. 燒豬頸肉就柔軟爽口, 再加上泰式酸汁更架惹味. 咖哩雞椰香味重, 聞落已經忍唔住裝左幾啖飯餸黎食. 唔多自助餐有原條魚食, 而呢到就有明爐烏頭, 肉嫩唔嚡剛剛, 仲要酸酸地好開胃. 另一方面就有得打邊爐, 都係任食. 豉油區好多味料, 而火鍋配料雖然選擇唔多, 但主要打邊爐食開既都有. 最後到甜品了, 葡撻, 蕉糖布甸, 麵包布甸等等大部份都好岩食整得唔錯. 特別係椰汁西米好香但唔會好甜, 糖水就有紫米露.

接老婆收工, 附近KCC都有唔少野食, 西餐廳唔多, 老婆食過呢間覺得唔錯, 所以帶左黎食. 餐廳裝修簡約, 無乜花巧野, 而且枱面夠大, 有足夠地方放碟. 南瓜湯非常濃郁, 柔滑而綿密. 蒜香法包脆到好似薯片咁, 而且帶有香濃既蒜香味. 咖啡柚, 一種獨特既口味, 輕輕帶有柚既味道, 但又唔會搶走咖啡味. 蜜桃烏龍, 微苦中帶少少甜. 南美香料炸雞塊, 雞塊炸到外酥內嫩, 肉質多汁. BBQ炭燒豬肋骨配薯條, 豬肋骨肉質鮮嫩多汁, 甜甜酸酸既醬好惹味. 薯條炸得酥脆, 口感不錯. 蒜香橄欖意粉, 意粉煮得剛好, 有少少咬口, 配埋炒香既蒜蓉, 味道一流.

好耐之前去尖沙咀經過厚福街店已經好想食, 近排發現原來喺旺角開左分店, 方便好多! 枱上抽氣喉好近野食, 所以啲煙會即刻抽走, 個場完全唔覺煙霧彌漫.有二人餐選擇, 有埋前菜野飲, 成set計相對上抵食.肚餓的我們加多個薯條.電話落單後好快就有野食到, 普通既麻醬椰菜同麵豉湯.餐包兩罐野飲, 亦可以加錢轉特飲.我地揀左菠蘿煙肉同芝士蒜和牛漢堡扒, 完全似食鐵板.我地第一次食, 所以職員會教我地大概會點煎. 舊石好熱, 所以開頭壓平左幾秒就可以反, 好快就食得. 煎緊既時候啲香味好吸引, 食入口好濃好夠味, 餸白飯一流. 不過跟餐就包再豐富啲既芝士泡豚丼飯, 有時食泡菜飯都驚好淡味泡菜味都無, 但呢到好足料好大碗, 又唔算好辣好好味.小食要左薯條配黑松露醬, 份量真係唔少, 幼身薯條新鮮炸完香脆可口.

兩公婆好少平日一齊放假, 梗係搵啲平時難book, 又可以用lunch價錢食到dinner野食既放題. 旺角呢間放題經常full, 平日lunch time黎唔洗排. 但就黎到先知14:00後第二位有半價, 即係每人都唔洗$200. 自助Bar主要係冷盤, 小食, 甜品. 飲品都好多款, 一大排雪櫃有汽無汽啤酒都有, 自己斟既有果汁同涼茶, 最緊要係有冷熱清酒自己斟!! 先飲碗麵豉湯, 料自己任落, 唔遺意就重手左. 冷盤就每樣夾左少少, 味道唔錯, 無雪臧味. 第一轉叫左好多刺身, 全部魚生都厚切, 入口非常滿足, 仲有大赤蝦, 蝦肉有手掌咁長. 西京燒比目魚, 皮燒到好香脆, 好入味. 燒雞翼, 燒到熱辣辣, 皮香肉嫩. 炸榴槤, 一咬榴槤香散發哂出黎. 海膽手卷, 細細舊唔會太多. 幾飽都要食少少甜品, 椰汁紫米甜而不膩. 其他凍甜品都唔錯, 所以都忍唔住拎多轉.

今晚同老婆經開尖咀韓國街, 見到有間舖出面排隊, 原來就係大熱人氣店. 簡潔既裝修加上聖誕佈置好有氣氛. 雪濃湯, 用牛骨同牛肉煲既湯, 長時間熬煮令到個湯奶白色咁, 天氣凍既情況下飲啖非常香濃又熱辣辣既湯, 又好味又舒服, 有啲後悔無加飯一齊食. 煎醬牛小排餃子, 外皮煎到好香脆, 餡又多又夠味, 肉味香濃, 而且食落唔油膩. 炒豬肉石鍋芝士拌飯, 飯面舖上唔同既菜同菇, 加上用醬汁炒既豬肉, 連同拉絲既芝士撈埋粒粒分明巴米飯, 口感同味蕾都非常滿足, 食到尾仲要有飯焦! 到左吸睛既餃子王同泡菜餃子王, 一籠一隻既餃子, 望見好似一隻蒸既灌湯餃, 皮薄到見到入面非常飽滿既餡.

想食餃子既情況下諗起附近有呢間舖, 款式又多入左去試下. 醋是必備的, 另外我加埋菜莆辣椒醬, 一少羹已經夠香夠辣. 蜂蜜檸檬薏米水, 蜂蜜多既關係所以杯野比較甜, 薏米有少少咬口. 山楂雪梨水, 無想像中咁酸, 易入口好舒服. 龍鳳蛋, 黑白松露醬只需一少點已然非常香既露醬味, 而且個溏心蛋仲要甜甜地. 芫荽豬肉水餃, 起碼半隻都有芫荽, 所以有好濃既芫荽香味, 芫荽控必吃. 韮菜豬肉餃, 一咬就好香韮菜味, 但感覺上煎會仲好味.
另外佢個九鼎湯底都唔錯, 最後飲哂. 壽喜燒牛肉煎餃, 皮煎到金黃色, 咬落香脆, 牛肉味香濃, 仲有汁流出黎. 軟心芝士煎餃, 芝士有少少甜, 令到煎餃咸咸地甜甜地好好特別, 意想不到好食.

早幾日女人話要食韓燒，近近地又去了旺角間喜來稀肉。好彩去到仲有幾張枱淨，無book枱都可以即時入座。 去韓燒最緊要的係環境，坐得迫抽油煙機吸唔切，就會好大煙。之前都嚟過呢間餐廳，地方好大，而且枱同枱之間的距離唔會太近。 如果唔想揀，可以食已經齊集不同位置的肉，套餐仲有韓牛可以揀。不過呢到的拼盤係無豬+牛的組合，如果大家想食齊牛肉同豬肉，一係要食兩個拼盤，一係就散叫。 其實散叫的款式都有好多選擇，無拼盤的限制，大家食咩食幾多都可以有得揀。 個水冷麵好快就到，個麵的粉量都唔細，用嚟墊底一流！其實我都幾鍾意食韓式冷麵，冰涼的麵，配埋酸酸辣辣的泡菜，個組合都幾夾。 今次叫了兩份肉，喜來烤肉係牛肉，卷成朵花都幾有心思。佢雖然無雪花的油膩感，但肉質結實、肉味較濃郁。 今次揀的都係餐牌上有手指公工推介的，呢份喜來五花肉的脂肪適中，我自己食得太油好易肚痛，呢份的五花肉就恰到好處，有油香之餘，仲有肉食。 無論豬定手，都切得薄薄的，一放係鐵板好快就熟，大家要燒的時候要留心。 係餐廳有三款煎餅：薯仔餅、海鮮泡菜餅，及海鮮葱餅，3款都係$90。女人唔多辣得，所以我們叫了份海鮮葱餅。煎餅份量幾大，而且麵粉唔會太多，不錯。 食物整體都好滿意，員工都好幫得手。唯一挑剔的係，餐廳整個豬牛拼盤會更好，咁食到的肉會更多款式。

今晚去左Mira間酒吧餐廳食, 上網見啲野食唔錯, 啤酒又有size分, 有mocktail飲, 唔飲酒都無問題. 佈置上都掛左Oktoberfest. 順手買左佢個Pass, $580包左6啤酒2mocktail, 仲有2小食, 超抵!! 叫左幾杯啤酒, 我杯Stella Artios好易入口, 好快就再叫多杯. 肉類小食拼盤, 每類4~5件, 雞翼炸得好脆皮, 肉丸咸度適中, 底亦都有唔少薯條. 炸魷魚圈, 炸粉唔厚, 魷魚腍得黎有少少煙韌. 芝士粉糰, 食落好香芝士味唔粉, 一啲都唔乾身. 脆皮燒豬肘, 肉嫩油香唔洗講，重要係塊皮就算凍左都唔硬.

今日出開尖沙咀行街, 順便黎呢間餐廳食, 呢到特別在所有野食都會加上CBD, CBD係可以舒緩神經既野, 詳情就唔喺到多講了.
呢到有埋Bar枱位, 飲杯野叫個小食黎chill下都無問題.
熱帶雨林, 飲落口偏甜, 幾款果汁溝埋幾夾, 有少少酸幾好味.
熱情果柚子伯爵茶梳打, 熱情果味較重, 加上柚子令到甜味恰到好處.
帶子蟹肉牛油果他他, 他他分兩層, 上層係帶子蟹肉撈埋, 下層係牛油果蓉, 兩層放上脆多士到再配埋薑油黑醋汁, 酸酸地又fresh又有粒粒既彈口帶子肉, 口感同味道都非常特別. 他他都幾多, 但本身多士跟得4塊, 建議加多一份多士.
威靈頓三文魚, 第一次食係用三文魚整, 個面焗到好鬆脆, 入面既三文魚好嫩仲好juicy, 碟上既秘魯黃椒醬辣辣地既惹味.
西班牙油炸鬼, 仲會有埋一球雲呢拿雪糕, Churros食落係比較硬, 另外有一小碗焦糖, 淡淡既油炸鬼點焦糖黎食, 令到焦糖特別甜, 仲可以加埋雪糕一齊食.