影片
更多
2017-08-09
416 瀏覽
（影片）最近新開咗間黃記煌三汁燜鍋,佢哋晌國內已經有多間分店,就連美國,台灣等地都見到佢嘅蹤影.嚟試呢晚時間尚早,仲未有食客,之後就陸續有人入座.雖然嚟自國內,但裝修唔俗氣,仲幾有特色.每檯都預先放咗金色嘅燜鍋,個蓋設計到好似頂帽,又有啲似棋,幾有趣.餐牌詳細地介紹佢哋嘅三汁燜鍋,係用清代御膳名菜香辣汁魚做藍本,再加入多款蔬菜同藥材等等.呢度嘅燜鍋共有十多款配搭,分咗魚,雞,牛,豬,海鮮類,醬汁就有五款,其中兩款唔辣,另外三款就有唔同程度嘅辣,另外亦有多款涼菜同火鍋料去揀.我哋最後決定叫自選燜鍋,可以自己揀四款指定食材.同行嘅人唔食辣,所以醬汁就揀咗唔辣嘅招牌鹹鮮汁.呢份餐前小食係竹炭花生嚟嘅,賣相幾特別.冇幾耐侍應就拎咗一個好似花樽咁嘅六寶盒嚟,每層都放住唔同嘅食材,之後就即席晌我哋面前煮燜鍋.侍應先開電爐,晌鍋度加入底油,再倒埋西芹,甘筍,紅薯,洋蔥,青椒,紅椒,車厘茄,蒜頭,紅棗等等十款蔬菜同藥材.之後逐一鋪上我哋自選嘅石斑魚柳,白蝦,牛肚,秀珍菇.將食材平均鋪好之後,加少少調味料同調味酒,就加蓋煮一陣.然後,侍應小心翼翼地將非常黏身同杰身嘅招牌鹹鮮汁加入鍋度,再加蓋煮多陣.燜鍋
（影片）
最近新開咗間黃記煌三汁燜鍋,佢哋晌國內已經有多間分店,就連美國,台灣等地都見到佢嘅蹤影.
嚟試呢晚時間尚早,仲未有食客,之後就陸續有人入座.
雖然嚟自國內,但裝修唔俗氣,仲幾有特色.
每檯都預先放咗金色嘅燜鍋,個蓋設計到好似頂帽,又有啲似棋,幾有趣.
餐牌詳細地介紹佢哋嘅三汁燜鍋,係用清代御膳名菜香辣汁魚做藍本,再加入多款蔬菜同藥材等等.
呢度嘅燜鍋共有十多款配搭,分咗魚,雞,牛,豬,海鮮類,醬汁就有五款,其中兩款唔辣,另外三款就有唔同程度嘅辣,另外亦有多款涼菜同火鍋料去揀.
我哋最後決定叫自選燜鍋,可以自己揀四款指定食材.同行嘅人唔食辣,所以醬汁就揀咗唔辣嘅招牌鹹鮮汁.
呢份餐前小食係竹炭花生嚟嘅,賣相幾特別.
冇幾耐侍應就拎咗一個好似花樽咁嘅六寶盒嚟,每層都放住唔同嘅食材,之後就即席晌我哋面前煮燜鍋.
三汁燜鍋
11 瀏覽
0 讚好
0 留言
侍應先開電爐,晌鍋度加入底油,再倒埋西芹,甘筍,紅薯,洋蔥,青椒,紅椒,車厘茄,蒜頭,紅棗等等十款蔬菜同藥材.
之後逐一鋪上我哋自選嘅石斑魚柳,白蝦,牛肚,秀珍菇.
三汁燜鍋
10 瀏覽
0 讚好
0 留言
將食材平均鋪好之後,加少少調味料同調味酒,就加蓋煮一陣.
然後,侍應小心翼翼地將非常黏身同杰身嘅招牌鹹鮮汁加入鍋度,再加蓋煮多陣.
三汁燜鍋
7 瀏覽
0 讚好
0 留言
燜鍋加熱時傳嚟陣陣討好嘅藥材香,非常吸引.
三汁燜鍋
14 瀏覽
0 讚好
0 留言
最後加啲芫茜,咁就完成.
成個過程都由侍應負責,同埋用咗無水烹調法,主要係靠食物自己嘅水分嚟燜煮,咁樣比加水煮更加可以保留原味,又唔怕食物營養會流失去水入面.
食物表面蘸滿佢哋嘅招牌鹹鮮汁,幾濃郁美味.自選食材方面,石斑魚柳肉質唔鬆散.
秀珍菇吸滿醬汁.
當中以牛肚最為爽脆.
燜鍋嘅食物食得七七八八之後,就可以請侍應加埋高湯用嚟做火鍋.
哈哈,加湯之後又係另一種風味.
我哋人比較少,加上啱啱燜鍋嘅肉類份量幾多,所以只係叫咗蔬菜野菌拼盤,入面有金菇,秀珍菇,杏鮑菇,粟米同生菜,正好用嚟中和一下.
由網上得知佢哋早前收購咗許留山,所以餐牌入面有唔少相關產品.我叫咗壺銀菊露,一邊食火鍋一邊飲感覺唔錯.
芒椰芒果爽
6 瀏覽
0 讚好
0 留言
同行嘅人就叫咗芒椰芒果爽,頂層有唔少芒果粒,中間有層厚厚嘅椰汁,然後係芒果汁同芒果爽,甜甜哋咁幾好味.
芒之戀
8 瀏覽
0 讚好
0 留言
之後再叫多份芒之戀,一份就有晒迷你版多芒亮晶晶,多芒小丸子同芒果糯米糍三款甜品,啱晒多心又想試多幾款嘅我.
小丸子煙煙韌韌,同埋係沙冰底嚟嘅.芒果糯米糍入面嘅芒果肉甜而唔酸,仲用芒果片伴碟,從外到內都係芒果嚟.
雖然同行嘅人唔食辣,所以唔可以一試佢哋嘅辣汁,但呢次嘅招牌鹹鮮汁都夠惹味.
服務方面啲侍應非常細心,會不時走嚟換碟.幫我哋煮燜鍋同打開蓋時,仲特登將個蓋向住佢自己嗰邊,以免熱水蒸氣吹向我哋嗰度.加湯時又會特登用手擋住,防止熱水彈出,可謂見微知著.
張貼
