炉端金 (已結業)

平時經過依間都覺得價位偏高冇特別想試，反而情人節嘅日式放題 $308加一 由1430食到1700！整體唔錯 環境都比平時既放題店舒服～🦁 刺身整體好新鮮同埋夠凍 而且寫幾多件真係黎咁多件！當中比較鍾意油甘魚、虎蝦同埋帶子🦁 壽司有驚喜 特別係有牛嗰啲壽司都係即燒 油份出晒嚟 勁香口！而且size偏細 放題食岩岩好！軍艦類都唔錯 因為即整紫菜仲好夠脆🦁 燒物肉類全部都好唔錯！ 例如雞棒 雞軟骨 我反而encore 左燒粟米 牛油味好香😍🦁 炸物天婦羅比較失望 粉厚 而且可能因為油溫唔夠熱有啲位仲係淋嘅 完全唔脆。炸雞翼同炸雞好評 調味夠 肉嫩滑！🦁 飯/麵淨係試咗個櫻花蝦炒飯 份量對兩個人來講比較多 而且個飯雖然多櫻花蝦 但係其他調味唔太夠 一般～🦁 甜品牛奶豆腐雪糕麻麻哋 最後都係食番 haagen dazs🦁 炉端金 (尖沙咀)尖沙咀金馬倫道33號地舖🦁 人均消費：$350｜推介：❣️❣️❣️