啤啤Bear韓國包車

營業中

休息中

坐低後送上前菜泡菜和芽菜，多數韓國菜式有都有前菜，可以就咁食，可以等主菜送到時伴埋一齊食。醬油蟹配脆脆紫菜($288)，醃得入味，最主要唔會過鹹，蟹肉軟林，用手一壓就可輕易擠出蟹肉，紫菜有炸過，將蟹肉放上炸紫菜一齊食更好味。大發！芝士鐵板泡菜炒五花肉($178)，五花肉既份量一d都唔嗇色，非常多，厚度切得岩岩好唔會太薄，不過芝士放底下，加熱得太耐有機會燒燶，如果熄火芝士會慢慢變硬，所以要盡快食用味道就最佳。蕃茄韓式辣海鮮湯配中華麵($218)，上菜見到成鍋都係海鮮心情都特別開心，湯底辣度唔算太辣，容易入口，蝦夠晒大粒厚肉，麵吸晒精華所以好入味，而且麵質粗身彈牙。