影片
更多
2023-08-19
1835 瀏覽
呢晚約咗個好鍾意食燒烤呢種香口野嘅友人嚟呢間尖沙咀嘅燒肉店 平日嘅七點半嚟到 餐廳已經坐無虛席😮 都要等一等先入到座 餐廳主打多款日美澳嘅和牛 肉嘅質素真係幾高梅酒番茄梅酒令番茄更能帶出鮮味🍅 除咗番茄本身嘅甜味 仲有梅酒嘅酒香 呢碟前菜幾清新幾開胃蘋果木煙燻松露和牛他他呢碟非常有驚喜😻 將生蛋黃 蘋果絲同薑蔥撈落松露和牛他他 撈勻之後就咁放落口 口感好多層次 食到肉嘅質地 又有蘋果嘅爽脆 又有松露嘅香味 但係又唔會搶咗本身嘅牛味🐮 特別推薦這碟老饕澳洲M5/M6和牛牛板腱呢個和牛板鍵薄燒只需燒一面 十秒左右已經食得☺️ 大大片嘅和牛油香幾濃 可以話係物有所值 包埋少少蔥蒜同落幾粒鹽就更惹味香蔥薄切牛舌呢個牛舌又係有驚喜嘅 雖然餐牌寫薄切 但係都有返啲厚度㗎👅 食落口感有彈牙得嚟唔會韌 包埋香蔥食就更加夾啦鳥肶肉醬油店員特別提醒我哋雞髀肉要放喺鐵板嘅兩旁燒 唔係就好易燶🐥 我地照住咁做 好輕鬆就燒到金黃色嘅雞肉 雞肉食落仲嫩滑有肉汁😚野菜組合食咗咁多肉係時候食啲蔬菜解吓膩 呢個拼盤有粟米 翠玉瓜 日本南瓜 日本番薯 仲配埋香草牛油🧈 等你燒完可以加少少上野菜上面吊味🌽 日本南瓜同埋番薯好
呢晚約咗個好鍾意食燒烤呢種香口野嘅友人嚟呢間尖沙咀嘅燒肉店 平日嘅七點半嚟到 餐廳已經坐無虛席😮 都要等一等先入到座 餐廳主打多款日美澳嘅和牛 肉嘅質素真係幾高
梅酒番茄
梅酒令番茄更能帶出鮮味🍅 除咗番茄本身嘅甜味 仲有梅酒嘅酒香 呢碟前菜幾清新幾開胃
蘋果木煙燻松露和牛他他
呢碟非常有驚喜😻 將生蛋黃 蘋果絲同薑蔥撈落松露和牛他他 撈勻之後就咁放落口 口感好多層次 食到肉嘅質地 又有蘋果嘅爽脆 又有松露嘅香味 但係又唔會搶咗本身嘅牛味🐮 特別推薦這碟
老饕澳洲M5/M6和牛牛板腱
呢個和牛板鍵薄燒只需燒一面 十秒左右已經食得☺️ 大大片嘅和牛油香幾濃 可以話係物有所值 包埋少少蔥蒜同落幾粒鹽就更惹味
香蔥薄切牛舌
呢個牛舌又係有驚喜嘅 雖然餐牌寫薄切 但係都有返啲厚度㗎👅 食落口感有彈牙得嚟唔會韌 包埋香蔥食就更加夾啦
鳥肶肉醬油
店員特別提醒我哋雞髀肉要放喺鐵板嘅兩旁燒 唔係就好易燶🐥 我地照住咁做 好輕鬆就燒到金黃色嘅雞肉 雞肉食落仲嫩滑有肉汁😚
野菜組合
食咗咁多肉係時候食啲蔬菜解吓膩 呢個拼盤有粟米 翠玉瓜 日本南瓜 日本番薯 仲配埋香草牛油🧈 等你燒完可以加少少上野菜上面吊味🌽 日本南瓜同埋番薯好甜 但係係澱粉質嚟嘅 所以要擺喺爐嘅兩旁燒🔥
芝士吉列鳥肶肉飯卷
除咗燒肉都有其他小食或者主食 呢個飯卷中間嘅吉列肉真係炸得好卜卜脆 放面嘅芝士輕輕燒到熔 幾好食🍙
飲品
鳳梨特飲 呢杯特飲仲有椰果喺底 令杯飲品更有層次🍍 冰麥茶 呢但係成壺咁上 淡淡嘅麥味配燒肉食好夾 店員仲問我地駛唔駛refill😮 咁樣好抵飲喎
呢間餐廳仲有做一啲特別優惠 例如買一送一咁 真係又抵食又高質啊👍🏻
張貼
